|
Re: الي زوجتي العزيزة (Re: علي عبدالوهاب عثمان)
|
الحبيب علي عبد الوهاب عثمان في البداية تحياتي ومودتي الخالصة وي سلام على الحب في زمنكم كان ليهو نكهة خاصة عندي خالي الله يديهو الصحة والعافية من نفس جيلك فبسمع زوجتو لمن تجي تناديهو بتقول ليهو ي اخوي وبعض الاحيان لمن ينادي عليها وترد عليهو نعم ابوي جايك ف ابدا اتمعن في المسميات البسيطة دي فبلقى في جواها كمية حنان وحب وان العلاقة تحولت من كونها زوجية الي اخوية وابوية بسبب العشرة الطويلة والجميلة وي ابو فلان وي ام فلان ....هي ايضا دليل صحة محبة خالصة تختلف الاساليب من جيل الي اخر في التعبير عن الحب ....لكن يظل جيلكم ي علي هو المعلم في اننا نحترم الزوجة ونديها مقامها كاملا سعيد بمروك وربنا يحفظك جميع افراد اسرتك ي رب وانزل الله عليكم السكينه والطمانينه في كل دار انت ساكنها اضافة اخرى :- المراة من هذا الجيل تغييرت انماط تفكيرها ويرجع الي ذلك كونها اصبحت ناضجة فكريا وقادرة انها تقدم كثير من الافكار والنصائح تنفع الزوج بالعبور بالحياة الزوجية الي بر الامان لها التحية والتجلي اينما وجدت الكلمة ولك انت كل التحايا
|
|
|
|
|
|