تاج السر وشيبة .. (هلال - مريخ) ..والاعتراك في غير معترك!!

العزيز جدا بحر .. رمضان كريم وكل سنة وانت طيب

شكرا جميلا لمداختك الراقية وهذا هو ديدنك دائما





قلت انك بتكن شخصى ود و حب ... لا الكلام ده بجيب مشاكل .. وانى انا بوثق لمصطفى سيد احمد ..وانت بتابع التوثيق ..متاكد انو توثيق ولا انا فنى انزال اغانى ؟؟.. وانت معاى من على البعد ..وكمان انا بقيت مقرب لنفسك ..ونبع عذب و.. وكمان هواء صافى ؟؟ ... انا ؟؟؟!!! انا حا يغمى على

دا انا ذاتى " شيبا " ؟؟ امال كمية الشتايم الرائعة الفوق دى اتالقت فى منو ؟؟؟ احتمال كبير يكون دة زول تانى ؟؟

يا ربى يكون دة "شيبا " البخوف الناس باغنيات مصطفى زى ما قال تحت ؟؟




بالله عليك الله جنس النبذ الفوق خالص .. وكمية الشتايم الاتقالت دى لو اتقالت لى " حيطة بتاعة طوب و جالوص " .. مش كانت الحيطة دنقرت وقلعت ليها مدماك كامل و اتمطت وفكت الزول ده بى كم طوبة ... ولو اتقالت ليك مثلا او لى اى واحد من اعضاء المنبر كان الحا يحصل شنو ؟؟


لكن انا " بحبو مموت".. " بريدو شديد " آى لف هم ان انغليش .. مهبتكى ليهو ..بالهندى ..عشان كدة ما رديت عليهو ولا بكلمة ولا شتيمة واحدة ده حتى انا بدلعو وبسميهو تجتوج ...



بس انا برد عليهو بى شوية سخرية وضحك وكلام بارد .. و انا عارفو انو عندو نقطة ضعف كبيرة.. وهى انو بينفعل سريع "ويرد على بى كمية طازجة من الشتايم الرائعة .. وانا زول بتاع كمبيوتر " طوالى بعمل ليها " save " يعنى بالعربى فى الحفظ والصون

والطريقة دى بالمناسبة مجربة وناجحة مية فى المية واثبت جدواها ..وبراءة الاختراع ده حقتى براى

اخخ .. كشفت ورقى البلعب بيهو .. لكن ما مشلة ..اصلو هو ما بتعلم من اخطاءه ونحن بنستغلها ضدو احسن استغلال

بالمناسبة يمكنك مراجعة كل البوستات بتاعة الشكل دى ..لو لقيت انى قت ليهو اى كلمة وحشة " نبذ كدة على الماشى .. شتيمة طايرة " اى حاجة حتى لو كانت صغيرة .. قول لى طوالى .. مافى زول كبير على النقد .. والعندو كلام غير كدة يثبت ويورينا بيان بالعمل .. والا دة بيسموهو قذف ..

شفت هسة كلامى الفوق ده ..فيهو حاجة عيب .. بعد شوية تلقاهو .. هاج وارغى وازبد ..والشياطين بتتنطط منو .. وعينك ما تشوف الا النور ..

وتحت بعد شوية حا تلقى كاتب وحا يتكلم عن شيبا " اللى هو انا ذاتى " والذيل والضنب والصحاف ومزمل والعجب والمريخ والشيخ زايد ؟؟ بسم الله ...الشيخ زايد الدخلو شنو هنا ؟؟ ... الف رحمة ونور تنزل عليهو ..


فى النهاية نهديك اخر ابداعات طلعت للود تجتوج .. " نيو برودكشن " ..يحتوى على احدث ما توصلت اليه عبقريته الفذة ونترككم لتستمتعوا مع هذا الروائع الفريدة




بالمناسبة حكاية الشعر المشقوق دى شنو .. كدى عاين كويس عاين فى الصورة كويس .. سلامة نظرك

(عدل بواسطة sheba on 11-08-2004, 03:35 PM)
(عدل بواسطة sheba on 11-08-2004, 03:41 PM)
(عدل بواسطة sheba on 11-08-2004, 03:41 PM)
(عدل بواسطة sheba on 11-08-2004, 03:44 PM)