|
Re: كف عيونك عني .. لغة العيون كاتلاني .. يا بتن (Re: Kabar)
|
ول ابا محمد المرتضى..حبابك يا صديقي وكأنما صديقي اياه ، يتماهى استغراقا في رائعة القرشي (يلاك يا عصفور).. وهي ايقونة صديقتي البقارية البرهانية ، استاذة السيكولوجي ، اياها..!! احد اصحابي ، يا المرتضى ، قال ملاحظة حول (زينة المدارس) ، قال يمكن تكون الأستاذة..!!..وتلك سكة تانية ..! فشنو ، احسن نركز مع (اللبني)..يا قريبي..! اتا مالك ومال الخط الشين يا محمد المرتضى..؟..حدي يشوف الجنة ، ويقول:انا من ناس الأعراف..!! بالضبط يا صديقي ، والقلم بيك أب..جاف..بالوان عديدة : الأزرق ، الأخضر ، الأحمر..! ورغم ان (الأحمر) لون الحب ، الإ ان سلطة القمع جعلت منه (بيت اشباح)..خصوصا حينما يكتبوا ليك في اخر الصفحة (قابلني)..عشان كده نادر تلقى ليك زولة تكتب الجواب اياه بقلم بيك اب احمر..لكن ممكن تتطرز ليك منديل بحرير احمر وفيهو سهم كيوبيد في الزاوية..! وضعه في جيبه، وأقسم ألا يستعمله سوى لاستنشاقه.. True story..!! عارف يا محمد..كنت مرة بتونس مع عمك النور ملاح ابو ام شنشينلات (بدوي السافنا الأخير) ، وهو رجل انصاري فيهو شوية ليبرالية وعقل منفتح(زي ناس امدرمان)..سألتو عن عما لينا اسمو احمد ولد الفضل ولد حميدان ، ولقبه (جارود)..! ضحك بدوي السافنا الأخير ، وقال لي: عمك احمد كان يتجول مع بعض رفاقه (سجالاته/ مفردها سجيل: أي الرفيق او النديم..مع انو المسيرية في الخلاء لا يعرفون المدام العنبي..!!) في الدروب ، وطبت عليهم حكامة نضيفة..كانت لها خصلة تتدلى على وجهها ، بجانب المساير المعهودة ، وكان لها كلـــب سالط..وحينما رأى جوقة الشباب تلك ، اخذ ينبح دفاعا عن صاحبته.. فصرخت تناديه وتهدئ من روعه ، ونادته: جارود..جارود..! والشباب كانوا خمسة ..من باب خدعة..قاموا اخدوا ليهم جكة .. نظام هاربين من الكـــلب جارود (كلــب الحكامة)..والمغزى الحقيقي ، ان يدوا الحكامة برهة (نتشه،النتشه تلك، التي اخرجها الملعون عتمان موسى من اضابيرها..!!)..حتى تتدارك حالها..!! اها عمنا احمد (عليه السلام) ، كان اخرهم ركضا..لأن طبعة العناد والفضول هزمته..فاخذ يتملى في وجهها جيدا..وذاك عيب في ثقافة البقارة عامة ، والمسيرية خاصة..! بعد ان اخذت الحكامة ، برهتها ، ولملمت حاجاتها (زي حكاية اخوانا الأبالة ، ومحنتهم مع: لو انت راجل تعال اهبشو..!..او كما قال الناصر قريب الله ذات مرة في حكاية لقيط الصمغ والكاهلية..وغناها الكابلي..!!..طلعتوا عينا يااااااخ ، ما قادر اشرح اكتر: ده كلام كبر مش كلام الناصر الفصيح..!!)..نادته باسمه..! احمد ولد ابوي الفضل ولد ابوي حميدان: تعال..!! (يعني اقيف دقيقة يا شاب)..! في تلك (النتشه) ، يا عتمان، ابوي احمد ولد الفضل ولد حميدان ، عشان يصلها..وقع خمس مرات (والله صحي يا عتمان موسى)..!! وحينما وصلها ، معطت نفس الخصلة المتدلية على وججها ، ومدتها لعمي احمد ولد الفضل ولد حميدان..! وعمك ما صدق يا محمد المرتضى ، شال الخصلة ، وضعها في جزلانو..وقام صوف..عرد ، عدييل كده ، يا محمد المرتضى..!! عرد..عرد..وفي القلب حسرة من شاكلة (كف عيونك عني..!!).. ولكنه اقسم على صحابو الأربعة: ان ينشروا في كل اصقاع الدنيا بان لقبه هو: جارود كـــلب العزبا..!! صحابو خانوا الأمانة ، يا محمد المرتضى ، فحذفوا صيغة الجمال (كــلب العزبا) ، وابقوا علي اسم الكــــلب مجرد (جارود)..فصار عمي اسمه (احمد جارود)..!!!!!!!!! بعد سنوات ، من حكاية بدوي السافنا الأخير ، عمك النور ملاح يا محمد المرتضى ، لاقيبت عمي احمد جارود..وكان راس مية في نواحي ابوزبد..وبطفاسة المثقافتية اياها..توشك خشيت فيهو شمال: احكي لي عن حكاية تسميتك باحمد جارود..!! ضحك وقال لي: جارود كـــــلب العزبا..!! ثم اخرج جزلانه الفارغ/الغني..واخرج تلك الخصلة..! ومن باب السفاهة يا عتمان موسى ويحي قباني والمرتضى ، قلت ليهو: اسمها منو يا ابوي احمد..!! وعينكم ما تشوف الإ النور..! كرعيني مرقني يا المرتضى..جريت جري دقاق ..عرد عدييل كده..! كبر
|
|
|
|
|
|
|
العنوان |
الكاتب |
Date |
كف عيونك عني .. لغة العيون كاتلاني .. يا بتنا تعالي لي بي جاي | يحي قباني | 01-26-20, 05:47 PM |
Re: كف عيونك عني .. لغة العيون كاتلاني .. يا بتن | امتثال عبدالله | 01-26-20, 06:10 PM |
Re: كف عيونك عني .. لغة العيون كاتلاني .. يا بتن | أبوذر بابكر | 01-26-20, 06:32 PM |
Re: كف عيونك عني .. لغة العيون كاتلاني .. يا بتن | امتثال عبدالله | 01-27-20, 00:12 AM |
Re: كف عيونك عني .. لغة العيون كاتلاني .. يا بتن | امتثال عبدالله | 01-27-20, 00:12 AM |
Re: كف عيونك عني .. لغة العيون كاتلاني .. يا بتن | امتثال عبدالله | 01-27-20, 00:36 AM |
Re: كف عيونك عني .. لغة العيون كاتلاني .. يا بتن | امتثال عبدالله | 01-27-20, 01:50 AM |
Re: كف عيونك عني .. لغة العيون كاتلاني .. يا بتن | Kabar | 01-27-20, 02:37 AM |
Re: كف عيونك عني .. لغة العيون كاتلاني .. يا بتن | ياسر السر | 01-27-20, 09:18 AM |
Re: كف عيونك عني .. لغة العيون كاتلاني .. يا بتن | Osman Musa | 01-27-20, 09:19 AM |
Re: كف عيونك عني .. لغة العيون كاتلاني .. يا بتن | امتثال عبدالله | 01-27-20, 04:21 PM |
Re: كف عيونك عني .. لغة العيون كاتلاني .. يا بتن | محمد محمد قاضي | 01-27-20, 04:52 PM |
Re: كف عيونك عني .. لغة العيون كاتلاني .. يا بتن | امتثال عبدالله | 01-27-20, 05:07 PM |
Re: كف عيونك عني .. لغة العيون كاتلاني .. يا بتن | محمد المرتضى حامد | 01-27-20, 09:51 PM |
Re: كف عيونك عني .. لغة العيون كاتلاني .. يا بتن | يحي قباني | 01-27-20, 11:04 PM |
Re: كف عيونك عني .. لغة العيون كاتلاني .. يا بتن | يحي قباني | 01-28-20, 01:41 AM |
Re: كف عيونك عني .. لغة العيون كاتلاني .. يا بتن | امتثال عبدالله | 01-28-20, 05:08 AM |
Re: كف عيونك عني .. لغة العيون كاتلاني .. يا بتن | ياسر السر | 01-28-20, 09:45 AM |
Re: كف عيونك عني .. لغة العيون كاتلاني .. يا بتن | Osman Musa | 01-28-20, 10:40 AM |
Re: كف عيونك عني .. لغة العيون كاتلاني .. يا بتن | علاء سيداحمد | 01-28-20, 01:03 PM |
Re: كف عيونك عني .. لغة العيون كاتلاني .. يا بتن | علاء سيداحمد | 01-28-20, 01:08 PM |
Re: كف عيونك عني .. لغة العيون كاتلاني .. يا بتن | علاء سيداحمد | 01-28-20, 01:14 PM |
Re: كف عيونك عني .. لغة العيون كاتلاني .. يا بتن | علاء سيداحمد | 01-28-20, 01:20 PM |
Re: كف عيونك عني .. لغة العيون كاتلاني .. يا بتن | امتثال عبدالله | 01-28-20, 08:13 PM |
Re: كف عيونك عني .. لغة العيون كاتلاني .. يا بتن | محمد المرتضى حامد | 01-28-20, 11:27 PM |
Re: كف عيونك عني .. لغة العيون كاتلاني .. يا بتن | يحي قباني | 01-29-20, 02:55 AM |
Re: كف عيونك عني .. لغة العيون كاتلاني .. يا بتن | عبدالرحمن إبراهيم محمد | 01-29-20, 04:37 AM |
Re: كف عيونك عني .. لغة العيون كاتلاني .. يا بتن | يحي قباني | 01-30-20, 00:33 AM |
Re: كف عيونك عني .. لغة العيون كاتلاني .. يا بتن | امتثال عبدالله | 01-30-20, 05:17 AM |
Re: كف عيونك عني .. لغة العيون كاتلاني .. يا بتن | علاء سيداحمد | 01-30-20, 02:13 PM |
Re: كف عيونك عني .. لغة العيون كاتلاني .. يا بتن | امتثال عبدالله | 01-31-20, 03:38 PM |
Re: كف عيونك عني .. لغة العيون كاتلاني .. يا بتن | Kabar | 02-01-20, 00:48 AM |
Re: كف عيونك عني .. لغة العيون كاتلاني .. يا بتن | Kabar | 02-01-20, 00:50 AM |
Re: كف عيونك عني .. لغة العيون كاتلاني .. يا بتن | Kabar | 02-01-20, 00:52 AM |
Re: كف عيونك عني .. لغة العيون كاتلاني .. يا بتن | يحي قباني | 02-01-20, 03:41 AM |
Re: كف عيونك عني .. لغة العيون كاتلاني .. يا بتن | يحي قباني | 02-01-20, 03:59 AM |
Re: كف عيونك عني .. لغة العيون كاتلاني .. يا بتن | يحي قباني | 02-01-20, 05:24 AM |
Re: كف عيونك عني .. لغة العيون كاتلاني .. يا بتن | يحي قباني | 02-01-20, 03:28 PM |
Re: كف عيونك عني .. لغة العيون كاتلاني .. يا بتن | ياسر السر | 02-02-20, 12:43 PM |
|
تعليقات قراء سودانيزاونلاين دوت كم على هذا الموضوع:
at FaceBook
|
|