عاجل : ثورة جهاز الامن

Quote: لو متخيلين انو البحصل من اطلاق نار الان في الابيض وكافوري والرياض ده مجرد احتجاج من ناس ادارة العمليات في جهاز الامن عشان مستحقاتم كما يروج الان تكونو واهمين اقسم بالله .. ده شغل مخطط ليهو ومرتب بشكل كويس ده واحد من فصول شغل البلبله الشغالين وبرتبو ليهو بي عنايه القيادات الامنيه للكيزان الانا نسرتا اساميهم بالاسم وبالواحده كان انس عمر كان الرشيد فقيري كان الطاهر برانكو وغيرم نشرتا اكتر من مره قوائم بالاسم واماكن الاجتماعات .. كل جهاز الامن بعمل في تنسيق كااامل لصنع البلبله ابتداءا من المدير دمبلاب وكل الجهاز بكامل عدتو وعتادو .. والحصل الليله ده جس نبض بس يعني (ده الرشاش والمطر لسه) زي ما بقول المثل .. والان البنشرو فيهو الامنجيه كان في قروب هيئة العمليات او كان البوق التافه العميد امن معاش محمد تبيدي مدير دائرة الاعلام السابق (الخالنو يقول كل التفاهات العايزا بي مزاجو) ده كلو ما بأكد شي غير انو للاسف الثوره العظيمه الانجزوها شهداء عظماء ضحو بي روحم عشان البلد الان في ايادي ضعفاء مستهترين ما حيعملو شي غير انهم حيضيعوها بي رومانسيتم دي