|
Re: إتّخاذ إجراءات جنائية في مواجهة رجال الشر (Re: محمد البشرى الخضر)
|
زمان كان عندي دكان، المؤجر أبى يدفع الايجار 3 شهور لمن ضايقته وبقيت أجيهو كل يوم قفل الدكان بي مفتاحه وشرد في الحقيقة صاحبي شغال في السوق من البداية قال لي لا تمشي تشتكي ولا حاجة نجيب لينا شاكوش نفلس الطبلة وتجدع حاجاته في الشارع وانتهى الموضوع. لكن أنا عملت فيها متحضر وبتاع قانون مشيت اشتكيتو بواسطة محامي وتعال شوف الجرجرة المهم بعد سلة روح حكموا غيابياً بإخلاء الدكان وانا فرحت شلت من القاضي ورقة الإخلاء والمحامي قال لي توديها العساكر وتديهم حاجة كويسة كدة عشان يفضوا الدكان قلت ليه حاجة كويسة دي يعني شنو؟ موش دفعنا رسوم المحكمة! قال لي هو المفروض دة واجبهم بحسب قرار القاضي لكن ما بمشوا بدون قروش مشيت للعسكري المسؤول لقيتو قاعد تحت شجرة قرأ القرار قال لي نحن عادة الإخلاء بنعملو بمبلغ كذا .. اتذكر إنه كان إيجار 3 شهور قلت ليه خلاص جيب الورقة برجع بيها القاضي أقول ليه ما عندي قروش أجل الإخلاء لحدي ما أجيب القروش الطلبتها الشرطة قال لي انت زول حقار .. قلت ليه ياخوي دايرين تنفذوا الإخلاء ولا تدوني ورقتي؟ قال لي الورقة نحن استلمناها تاني ما بنديك ليها والإخلاء دة بنوريك بنعملو كيف نادى موظف ما عسكري قال ليه امشي معاهو شوف الإخلاء الموظف طوال الطريق شغال يلمح للرقعة وانا قفلت ليه الباب نهائي قلت ليه يا عمك انا ما عندي ليك غير موية باردة مسيخة داير تنفذ أمر المحكمة خير وبركة ما داير تنفذ ارجع المركز بي راحتك مشى معاي الدكان وجبت يد الفندك وكسرنا الطبلة دخل الدكان حصر البضاعة الموجودة فيه ومضاني على الإحصاء وقال لي يلا الحاجات دي عهدة عندك وطلع فات كوركت ليه وانا مالي بيها موش المفروض تشيلها الشرطة عندها قال لي ما عندنا مكان نختها فيه اتصرف انت بعديها بي اسبوع المحامي اتصل بي قال لي عندنا جلسة متابعة قلت ليه قبضوا الراجل؟ قال لي موش انت معاك أمر القبض؟ يبقى الموضوع عليك كيف يعني علي؟ قال لي تمشي تفتشوا انت ولما تعرف مكانه تشوف ليك عساكر تديهم أمر القبض والساهلة ويمشوا يقبضوهو ليك ولا كان داير بكلم ليك عساكر مباحث بس سعرهم غالي شوية ديل بجيبهو براهم قلت ليه يعني القاضي يكتب أمر القبض وخلاص كدة يمشي بيتهم ضميره مرتاح ونحن نشتغل شرطة نفتش! قعد يضحك علي قال لي انت عايش وين! مافي عسكري بشتغل بدون رقعة مشى جلسة المتابعة وأديتو حقها بعديها بي اسبوعين تاني اتصل بي قال لي في جلسة متابعة تاني قلت ليه يتابعوا شنو يا ود الناس؟ يشوفونا قبضناهو ولا لأ! ما داير أي متابعة ولا داير قاضي ولا تتصل بي تاني مشيت لي صاحبي الزماااان داك طلعنا البضاعة بعناها لي تاجر بس سعر بسيط عشان نتخارج منها وبعت الدكان قلت توبة تاني أدخل لي في تجربة زي دي
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
إتّخاذ إجراءات جنائية في مواجهة رجال الشرطة... | محمد البشرى الخضر | 01-01-20, 11:29 PM |
Re: إتّخاذ إجراءات جنائية في مواجهة رجال الشر | محمد البشرى الخضر | 01-01-20, 11:30 PM |
Re: إتّخاذ إجراءات جنائية في مواجهة رجال الشر | محمد البشرى الخضر | 01-01-20, 11:35 PM |
Re: إتّخاذ إجراءات جنائية في مواجهة رجال الشر | أحمد محمد عمر | 01-02-20, 11:47 AM |
Re: إتّخاذ إجراءات جنائية في مواجهة رجال الشر | أحمد محمد عمر | 01-02-20, 11:55 AM |
Re: إتّخاذ إجراءات جنائية في مواجهة رجال الشر | أحمد محمد عمر | 01-02-20, 12:03 PM |
Re: إتّخاذ إجراءات جنائية في مواجهة رجال الشر | بدرالدين بابكر مصطفى | 01-02-20, 12:06 PM |
Re: إتّخاذ إجراءات جنائية في مواجهة رجال الشر | صبري طه | 01-02-20, 12:07 PM |
Re: إتّخاذ إجراءات جنائية في مواجهة رجال الشر | بدرالدين بابكر مصطفى | 01-02-20, 12:17 PM |
Re: إتّخاذ إجراءات جنائية في مواجهة رجال الشر | صبري طه | 01-02-20, 12:36 PM |
Re: إتّخاذ إجراءات جنائية في مواجهة رجال الشر | أحمد محمد عمر | 01-02-20, 12:19 PM |
Re: إتّخاذ إجراءات جنائية في مواجهة رجال الشر | أحمد محمد عمر | 01-02-20, 12:22 PM |
Re: إتّخاذ إجراءات جنائية في مواجهة رجال الشر | محمد البشرى الخضر | 01-02-20, 03:51 PM |
Re: إتّخاذ إجراءات جنائية في مواجهة رجال الشر | أحمد محمد عمر | 01-02-20, 07:05 PM |
Re: إتّخاذ إجراءات جنائية في مواجهة رجال الشر | أحمد محمد عمر | 01-02-20, 07:11 PM |
|
تعليقات قراء سودانيزاونلاين دوت كم على هذا الموضوع:
at FaceBook
|
|