|
Re: رسالة مواطن سوداني بامريكا للدكتور حمدوك. (Re: حسن كجروس)
|
اخوي يا حسن كدي النحكي ليك قصة صغيرة قالوا في قرية صغيرة خيراتها كتيرة جدا زراعة وبهائم وعندهم صناعات يديوية كتيرة اتميزوا بيها وكان ليهم عمدة جبار لص كبير مستنكح القرية كلها اتاوات وقلع ومحدد لكل زول خمسة جنيه في اليوم عشان واهمهم انه بوفر ليهم الموية وبسوقهم بعربياته محل ما ماشين وقال ليهم سيدي الشيخ موكلني عليكم وما بقصر في زول واهو الاكل راقد القرية في مجموعها دخلها بالملايين كلها بيشيلها العمدة واصحابه واهله والناس الشغالين معاه ناس القرية جاهم شيوعي متعلم تفتيحة فتح اذهان الناس البسطاء ديل قال ليهم شيلو العمدة هو والشيخ ماكلين قروشكم وخيراتكم قاموا فعلا ثاروا وطردوا العمدة الا ناسو لسه قاعدين اتفقوا مع زولنا يفرتقوا النظام القديم وزولنا جاب صاحبا ليه بقى عمدة بدل داك لكن بنفس اعوان العمدة القديم بس الفرق في شعارات ثورية في كل ركن مكتوبة في القرية لكن الحال ياهو نفس الحال اهي الخمسة جنيهات زاتها الكانوا بيدوهم ليها بحجة العمدة الجديد قال ليهم العمدة القديم مدين ديون مليارية باسمكم في الخرطوم اها كل دقيقتين يسافر يقول ليهم مشيت احل ليكم الموضوع ويجي الخرطوم محمل ومشمر ويقضيها مطاعم وقعدات وقونات ويرجع يقول ليهم قربت تتحله وناس العمدة القديم لابدين ليه يشوتوه مش عشان يرجعوا العمدة القديم لكن كل واحد فيهم داير يبقى عمدة وفي النهاية اهل القرية من الصدمة مزهولين ..... ========== اتخيل معاي نظرة العالم لينا ومرتباتنا 20 دولار في الشهر بالكتير 30 ده للقرأ جامعة واتعلم قول 50 دولار في الشهر وبلد غنية جدا بي خيراتها وحات الله انا لو مش ترامب اي رئيس محترم اي عمدة ههه قصدي اي رئيس يمسكوا البلد دي لو ما عدل امور الحرمنة واللصوصية دي وساوى بين الناس وحاب ليهم حقوقهم المنهوبة لو اذن في راس كنيسة الفاتيكان وجاني بعصاية سيدنا موسى ما يعتب بيتي لو كتبوه ليه في روستة ولو جا بلدي طبعا ما بقدر امنعه يجي الا لكن بسيب ليه البلد كلها واشوف لي مشوار اكسر بيه الزمن لحدي يتخارج الزول العمدة ده حتى لو غيروا ستين عمدة بعده المهم يكون زول يقنعنا انه حقاني ما لص منافق واول حاجة بقيموا بيها بشوفوا بيدفع كم مرتبات لمواطنينه من مالهم الهو امين عليه وما كده بس حتى ناس بلده ما لم يبقوا ناس بيشتغوا وينتجوا اها نظرتي ليهم زيهم زي نظرتي للحيوانات والقطيع 20 دولار يا عمدة في الشهر ودايرني اساعدك انت شايفني علي بابا ولا شنو ..
|
|
|
|
|
|
|
العنوان |
الكاتب |
Date |
رسالة مواطن سوداني بامريكا للدكتور حمدوك. | حسن كجروس | 12-08-19, 11:50 PM |
Re: رسالة مواطن سوداني بامريكا للدكتور حمدوك. | صباح حسين طه | 12-09-19, 01:14 AM |
Re: رسالة مواطن سوداني بامريكا للدكتور حمدوك. | ترهاقا | 12-09-19, 02:12 AM |
Re: رسالة مواطن سوداني بامريكا للدكتور حمدوك. | توفيق عيسى مكي | 12-09-19, 06:34 AM |
Re: رسالة مواطن سوداني بامريكا للدكتور حمدوك. | Yasir Elsharif | 12-09-19, 11:59 AM |
Re: رسالة مواطن سوداني بامريكا للدكتور حمدوك. | حسن كجروس | 12-09-19, 08:58 PM |
Re: رسالة مواطن سوداني بامريكا للدكتور حمدوك. | توفيق عيسى مكي | 12-09-19, 11:08 PM |
Re: رسالة مواطن سوداني بامريكا للدكتور حمدوك. | توفيق عيسى مكي | 12-09-19, 11:21 PM |
Re: رسالة مواطن سوداني بامريكا للدكتور حمدوك. | توفيق عيسى مكي | 12-09-19, 11:27 PM |
Re: رسالة مواطن سوداني بامريكا للدكتور حمدوك. | Yasir Elsharif | 12-10-19, 08:09 AM |
Re: رسالة مواطن سوداني بامريكا للدكتور حمدوك. | حسن كجروس | 12-15-19, 00:10 AM |
Re: رسالة مواطن سوداني بامريكا للدكتور حمدوك. | صديق مهدى على | 12-15-19, 00:28 AM |
|
تعليقات قراء سودانيزاونلاين دوت كم على هذا الموضوع:
at FaceBook
|
|