نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: وزير المالية طلع كفاءة.. (Re: عمر التاج)
|
تحيات وسلامات لكل الأحبة .. ود البشرى
Quote: جاري الفحص يا قريبك لسة لكن الشباب ما أدوني الزيت. لكن عموما الصياغة فيها خلل |
خطأ الصياغة ساهل، يمكن الوزير مستعجل أو ما عنده مستشار لغوي المشكلة في خلل الاجراء نفسه ..
.. .. صلاح الزبير
Quote: عليك النبي دي تخليها لي مولانا حافظ ... بكفيك العنوان يا زلمي |
العنوان حمال أوجه يا صديق .. يعني لو المنشور كان مضروب فالرجل ما زال كفاءة ما شاء الله أما مولانا داك فوالله مفتقدنه هذه الأيام رغم أنه سقط من نظري (الخوفي) مما عرفت أنه مولانا مزيف بتاع مساجد ساكت في اللول كنت خايف يجيبوني يوم لمحكمة النظام الجديد، وألاقي مولانا ده هو القاضي ويقوم يقول لي : بالله انت عمر التاج بتاع سودانيز، الله لماني فيك، وتاني عيني ما تسوف الا الضلام ههههه .. الحمد لله طلع مولانا ساكت وانطبقت عليه حكاية الزول القال للتمساح أنا من يوم عرفتك بتبيض سقطت من نظري يا جدادة .
.. .. أحمد حمدوي:
Quote: ايه المشكلة يعنى بت اخوه بت اخته لانه اى ادارة لازم تغير الطاقم حقها |
ما مشكلة تغيير الطاقم، لكن يا اخ شعب السودان واسع ، جيب أي واحد من ال50مليون نسمة بس ما يكون قريبك قريبي وود دفعتي وود قبيلتي دي ياها الواسطة زاتا السقطت الكيزان وخربت الخدمة المدنية والعسكرية .. وزيرة التعليم العالي جابت اتنين من اسرتها ووضعتهم مدراء جامعات والناس ساكتة وزير المالية يجيب قريبته والناس تسكت بعد شوية كل وزارة حا تكون عبارة عن أسرة وممكن تدور من البيت وتضيع المسؤولية والرسميات وبالمناسبة ، حتى الحزبية يفترض تكون بعيدة عن الوظائف .. ده الاجراء الصاح غض النظر عن من هو في السلطة انت مثلا جمهوري وبقيت مسؤوول ما معناه تجيب الجمهوريين للوزراة وتحذف بقية الأحزاب .. انت كوز وبقيت مسؤول ما معناه انو البلد تصبح تركة للكيزان انت شيوعي ما معناه ان الوزارة والبلد كلها تبقى تحت إدارة الشيوعيين الكلام ده يفترض ينص عليه في الدستور وتفصله القوانين واللوائح المدنية في كل مؤسسة. .. ..
جلالدونا
Quote: خلاص انتهينا من قميص حمدوك و بدينا فى بت الوزير غايتو يا غمر التاج شايفك داخل المنطقة الرمادية بخطا ... حثيثة ... اما اخونا صلاح ظابق جلابيتو فى خشمو و جارى |
قميص حمدوك الحمد لله ما طلع زي قميص ميسي إلا مسألة الرمادية دي ما صحيحة .. الرمادية تعني ان تنظر للأمور ثم لا يهمك أمرها .. أما نحن فننظر للأمور من ميدان محايد موضوعي، ونحاول ان نسلط الضوء على المناطق المظلمة حتى يعرف كل مسؤول أن كل خطواته مكشوفة وزي مافي حاشية بتزين للمسؤول كل أعماله الصالحة والطالحة، فهناك أناس لا يعرفون إلا الصحيح ، ومستعدين يموتوا وهم يصدحون بقول الحق وان كان على ابائهم واخوانهم والكيزان والقحاته وعليهم وعلى أعدائهم
.. .. عبد الله ادريس
Quote: عندي معاك باقي فكة من البوست الفات ما اديتني ليها |
فكتك ديك ما بتجيب حقها يا عبد الله الناس بقت تخلي الورقة أم عشرة عند الكمساري وتنزل وما تتذكرها تاني .. قصة أجيب ليك تلاتة وأربعة أو عشرين نفر ما صعبة، المشكلة انها لا تخدم للبوست قضية
.. .. المحجوب
Quote: اذا فعلا قام بتعيين اقارب, بكون في خطأ مبدئى |
نحييك زنحي المبادئ وإعلان المبادئ وناس المبادئ المبدأ يعني أن تتمسك بالأمر في كل الأوقات .. وأغلب الذي يؤيدون هذا المسعى كانوا ينتقدونه عندما كان يمارسه الكيزان
.. .. امتثال ..
Quote: على وزراء الفترة الانتقالية عدم تعيين أقاربهم حتى ولو كانت القرابة من الدرجة العاشرة في الوظائف العامة ...حتى لا نكرر خطأ نظام اللصوص والحرامية... وما اظن وزير المالية يغلط الغلطة الفظيعة دي .... |
ليتهم يعلمون يا امتثال وليته لم يفعلها ولا يفعلها هو ولا غيره أبدا
أحمد عمر
الجواب من عنوانه يا احمد شكرا لتعليقك الضمني
.. .. بريمة :
Quote: ونسيت أهم حاجة: عضو في الحزب ... ما يرجع ليكم المؤتمر الوطني في زي من حرير (متلبس بالديمقراطية) .. وكذلك أسلوب التزكية ..
أقطعوا دابر أي حاجة تؤدي إلي المحسوبية .. |
جبت الزيت كله، وما خليت حاجة وراء القرار يابريمة
|
|
|
|
|
|
|
العنوان |
الكاتب |
Date |
وزير المالية طلع كفاءة.. | عمر التاج | 11-07-19, 04:29 PM |
Re: وزير المالية طلع كفاءة.. | عمر التاج | 11-07-19, 04:40 PM |
Re: وزير المالية طلع كفاءة.. | عمر التاج | 11-07-19, 06:04 PM |
Re: وزير المالية طلع كفاءة.. | محمد البشرى الخضر | 11-07-19, 06:43 PM |
Re: وزير المالية طلع كفاءة.. | Salah Zubeir | 11-07-19, 07:25 PM |
Re: وزير المالية طلع كفاءة.. | احمد حمودى | 11-07-19, 09:55 PM |
Re: وزير المالية طلع كفاءة.. | جلالدونا | 11-07-19, 10:13 PM |
Re: وزير المالية طلع كفاءة.. | Abdullah Idrees | 11-07-19, 10:18 PM |
Re: وزير المالية طلع كفاءة.. | Mahjob Abdalla | 11-07-19, 11:21 PM |
Re: وزير المالية طلع كفاءة.. | امتثال عبدالله | 11-07-19, 11:40 PM |
Re: وزير المالية طلع كفاءة.. | احمد عمر محمد | 11-08-19, 05:44 PM |
Re: وزير المالية طلع كفاءة.. | Biraima M Adam | 11-09-19, 06:03 AM |
Re: وزير المالية طلع كفاءة.. | Biraima M Adam | 11-09-19, 06:38 AM |
Re: وزير المالية طلع كفاءة.. | Biraima M Adam | 11-09-19, 06:51 AM |
Re: وزير المالية طلع كفاءة.. | Biraima M Adam | 11-09-19, 06:55 AM |
Re: وزير المالية طلع كفاءة.. | عمر التاج | 11-09-19, 02:17 PM |
Re: وزير المالية طلع كفاءة.. | عمر التاج | 11-09-19, 05:01 PM |
Re: وزير المالية طلع كفاءة.. | عمر التاج | 11-09-19, 05:38 PM |
Re: وزير المالية طلع كفاءة.. | Al Sunda | 11-10-19, 05:06 AM |
Re: وزير المالية طلع كفاءة.. | عمر التاج | 11-10-19, 07:50 AM |
|
تعليقات قراء سودانيزاونلاين دوت كم على هذا الموضوع:
at FaceBook
|
|