أخْطاءٌ شائعةٌ(شائنةٌ) تعكِسُ عقليَّةً ضَحْلةً و ثقافةً شائهةً

•حبابك الراكز شنتير و بركة ال الله
جابك و جاب لينا أهلي الشناتير عقابك.

♤ تصدق يوم الخميس كنت مجهز
ليك بلتون ضهاري و نجوع و وديان و لقد
و عتامير و حفاير و تبوب ظنيت ناس عمك
( Google Earth) و لا ال(GPS) ديل زاتن
لو سجَّن و لجَّن فوكِّن يوم و ضحوة ما يأترن
خبرهن. بس مع الإرسال يلا طار مني مغسني
ليك جنس مغستن. شيتن ناس وحيشات و شيء
كريعات و جعيبات و حاجاتن كدي أساميهن زاتِّن
واحدات يقربن يكطعن الوضو ، لكن ما بيكطعنو.
منهن الفنِّيسة مرة أب عاج جانا جولة و بيقرا في
اسامي الحلال الاستقبلنو لامن جا فوكا نزل باسمها
لي تحت شديد أها جناين من عروبنا منتكل فوق سيفو
بي هنووك كوركلو نبهو :" لا فوق شوية آ سيدي الريس".

• المهم ناس ود كيكل في أم طرطارة ؛ و في خمسين ناس
ود أبَّسالم ؛ و الكاهلي زيدان جونا منها الفرسان الهمباتة ناس
إبراهيم و بلة جنيات ود عشا راقدونا في صفاقنا القُنن؛ خالم
دكين متزوج بت عمي لزم . و كان للشناتير ديل أهلن عزاز تب
حركات إبلهم نازلات فوقنا يوت واردات الرهد؛ كانت أيام!!

♤ عندي لي مختار ود أب سلس من الرضمة و المهل ود دريس
من السروفاب و ناسن حتَّهُن من جيهة حداف. علا لاكن من صفحة
ود أب شام دي و إت مصبح بي درب الهوي معرفتي مي لي هناك ؛
اختى و اصيب.اللهم المعالم البارزة زي جبل اللبايتور و ناس ريرة
و الصُّفية دي منها كان علي ود تيفرة معرسلو مننا مرتن كاهلية.