حبيبنا ياسر لك التحية اصلا ما في سبب مقنع لوجود القوات السودانية في اليمن حماية السعودية؟ حماية الامارات؟ حماية بيت الله الحرام؟ دي كلها اسباب تافهة السعودية تحمي نفسها الامارات تحمي نفسها و للبيت رب يحميه لكن المصالح الشخصية طغت على المسألة و اصبحت ارتزاق بالإضافة لأنو البشير كان يطمع في إرضاء ترمب و يرفع عنه القيود الاقتصادية و كلو طلع في الفاضي عشان كدة بس قال احسن نطلع لينا ب شوية ملايين من ناس البترول ديل و بالفعل البشير قبض و حميدتي قبض و ما زال و المرتزقة قبضوا و اهلهم قبضوا الناس ديل مرتزقة يا ياسر انا شاهدت فيديو لواحد من المرتزقة ديل و هو يبكي لما قبضوه الحوثيين و كان يتلذذ بقتل الحوثيين الراجل يبكي و يتوسل للحوثي الحوثي رشاه ليك و كأنه ما حصل شيء ٣٠~٤٠ الف مرتزق لو تمت ابادتهم ما ح أتأسف عليهم و لا ح اترحم عليهم ديل يا اخي بتسابقوا في السفر اليمن عشان الدولارات خلي دولاراتهم تترحم عليهم يا ياسر دي يحلها الشربكا و يتحمل مسؤوليتها الرسلهم منو و رسلهم ل شنو الحلف دا انتهى زمااااان و كل الدول انسحبت منه و سحبت قواتها كمان و بقى المرتزقة السودانيين فقط و لا مصلحة تذكر للسودان الوطن من دولارات السعودية و الامارات بل مصالح شخصية و كلو شغل دسدسة و غتغيت حتى و لا جزاءا و لا شكورا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة