|
Re: *** زفة المولد فى امدرمان لا اله الا الله ا� (Re: احمد حمودى)
|
قالك يا حمودي؛ بشة داخل زنزاتو .. قال ليه حاجة لأهله الملتفين حوله خلتهم ينفجروا بالبكاء (عديل كده) لما سألوا أقاربه ديل الحاجة دي هي شنو .. قالوا البشير وصاهم على عدد من الأيتام اللي كان متوصي بيهم .. وسبب إنفجارهم بالبكاء أنهم مستغربين كيف زول في زي محنتو دي برضه مهتم بأعمال ( البَر و التفَوِّي) قدر ده 😭😭 ♤ بصراحة لما قريت القصة دي انا زاتي أجشهني البشيرو دي عارف زي شنو "و شوشني العبيرو .. و انتشيتو" و لامن "شرقتني دموعو.. و بقيت مجوعو من اول نظرة" لكن بس ما شرِقتا. معقولة يا أخوانا نحن انتفضنا علي إنسان زي ده؟
♤ يلا تتال شوف لامز واحد من الأيتام يتحول لجاسوس. دا اللي البشير أهتم بيهم واحد أسمه (أيمن المأمون) و هو إبن أحد أصدقاء البشير .. أيمن ده لما أبوه مات البشير مشى العزاء .. و شاف الحال المايل.. قام مسك الشاب اللي كان عاطل وقتها .. وقال ليهو (إنت من الليلة ولدي) وفعلا لأنه بقى ولد البشير حصل على تصديق بإستيراد كميات ضخمة من القمح والدقيق .. ويقوم يبيع التصديقات دي للتجار العايزين يستوردوا لأنه هو ما عنده كاش .. لحدي ما بقى مليونير على حساب جوع المواطن الواقف في صفوف العيش ..
♤ قام البشير (نظام أبوه وكده) طلب من أيمن ده أنه يتجسس على الفريق طه الدلاهة اللي كان برضه ناهب مبلغ من المال و ملبدو في حسابه في الإمارات .. البشير طلب..من أيمن يخترق النظام المصرفي الإماراتي بصفته شخص معروف هناك وعنده علاقات وأرصدة في البنوك .. ويعرف ليهو القرض الفلاني اللي ما معروف شاله منو ده لو في بنوك الإمارات .. الولد اليتيم قوم أمشي أدفع رشاوي في الإمارات لشخصيات تساعده في إختراق حسابات طه .. قاموا الإماراتيين عرفوا القصة .. وعكشوا ليك أيمن ده بحجة إختراق النظام المصرفي حقهم (دي ما فيها بمة ارحميني طبعن) ♤ أيمن في التحقيقات حاول يستنجد بالبشير وقال أنه البشير هو اللي طلب منه يعمل كده .. البشير في واحدة من زياراته للإمارات سألوه هل إنت فعلا طلبت من ولدك ده يخترق نظامنا ♤ بشة نكرو حطب قال ليهم .. نوهااائي ..لا طلبت منو و لا بعرفهزاتو .. و ياها الولد هسه مسجون هناك بعد ما حكموا عليهو بالمؤبد ..ده واحد من الأيتام .. الباقين ما بنعرفن
(عدل بواسطة دفع الله ود الأصيل on 10-31-2019, 11:32 AM)
|
|
|
|
|
|
|
العنوان |
الكاتب |
Date |
*** زفة المولد فى امدرمان لا اله الا الله الكيزان اعداء الله *** | احمد حمودى | 10-31-19, 00:41 AM |
Re: *** زفة المولد فى امدرمان لا اله الا الله ا� | احمد حمودى | 10-31-19, 00:47 AM |
Re: *** زفة المولد فى امدرمان لا اله الا الله ا� | احمد حمودى | 10-31-19, 00:53 AM |
Re: *** زفة المولد فى امدرمان لا اله الا الله ا� | علاء سيداحمد | 10-31-19, 02:46 AM |
Re: *** زفة المولد فى امدرمان لا اله الا الله ا� | احمد حمودى | 10-31-19, 09:54 AM |
Re: *** زفة المولد فى امدرمان لا اله الا الله ا� | دفع الله ود الأصيل | 10-31-19, 11:17 AM |
Re: *** زفة المولد فى امدرمان لا اله الا الله ا� | احمد حمودى | 10-31-19, 12:03 PM |
Re: *** زفة المولد فى امدرمان لا اله الا الله ا� | دفع الله ود الأصيل | 10-31-19, 04:52 PM |
Re: *** زفة المولد فى امدرمان لا اله الا الله ا� | خضر الطيب | 10-31-19, 04:58 PM |
Re: *** زفة المولد فى امدرمان لا اله الا الله ا� | خضر الطيب | 10-31-19, 05:02 PM |
|
تعليقات قراء سودانيزاونلاين دوت كم على هذا الموضوع:
at FaceBook
|
|