Quote: نفاق الأسافير ∆
♤ و لعل من أبرز مظاهر نفاقنا الأسفيري الافتراضي،
في بلدنا هذا و بزماننا هذا، أن تجد بيوت الله خاوبة على
عروشها ؛ فيما {منصات التناصل االلا-جتماعي} تعج
بأدعيةٍ و تعاويذَ ما أنزل الله بها من سلطان ، يأتيك بها
من لم تزود ، من كل حدب و صوب ، مفزلقةٌ متونها ؛
ومرصعةٌ صدور حواشيها بباقات الورود. فيا عجبي.
|
و أالعن و أظرط من كدا واهرر تانية ما أنزل الله بها من سُلطان
زي الواحد تلقاه يأكل في لحم أخيه ميتاً فكرهتموه , و أول ما يتلاقو قدام
الناس يخمو وينك في سدرو وينك ما ظاهر يا فردة و الله ( الشوك) كِميَّات
وكنا هسي في سيرتك بالخير(طبعن) فياخي أظهر و أبقى أسال عن ظروفنا
ولما تشتاق للمشاعر تملا دنياك بعبيرا
و لما تشتاق للعواطف تنسجم تلبس حريرا
و أبقى اسال عن قلوبنا تلقى فيها كنوز محبة
وتلقى فيها بحور حنان تلقى فيها الشوق يغنى
و تلقى فيها الريدة فاردة جناحا تشتاق للربيع .
# و دي بالذات لسنا فيها بدعاً من الأمم و بصراحة يمكن
للانصاف نكون أحسن من غيرنا فيها. كدي شوف أولاد بمبة
الواحد يحضنك ريحتو فِجِل بس إياك إياك حتى لو تعضي قلبو بس
لا تهبِشنَّ رغيفو. ياخي ولا الخليجيين ديل قالو كمان عندهم سلام
بالنخيرين لكن الواحد لو لاقي طريقة يضعي أخوه في نخرتو.
# لكن نحنا بركايونا جاهز و كان ما قدرنا نكب ليك كاش داون بنكون
غامتنو في برطمانية زي الويكاب و الكجيك و ملوحة التركين و كلما
يعفصنا زول نديلو قدحة. يشمها بس و لا يسمع .يلا المناسبة دي:
# قريت لي تعليق لزول هنا بصراحة كيفني جَبَنة و يستاهل عليه أوسكار براو
لكن ود التااج فرتق. عمونمن قال في ناس في البورد دا ما بطيق خِلَقُم لدرجة لو
بالغلت عِتر في واحد ولا طبظ اسموساييعني كأنو بس شنقلي توباية تلقي لي عقرباية .
فدا كلام واضح وما فاضح لأنو ما جاي من فراغ خسوسن برضو الزول دا في نفس
الوكت مدي الناس حريتم يبادلوه نفس الشعور. ثم موش قلتو الدِسدَيس والغتغتة
خلاس ا نتهى و ولى إلى غير رجعة. و الحقيقة قالو: بتخلع لاكين ما بتكتل .
..........................
دفع الله ود الأصيل
فيس بوك
تويتر
انستقرام
يوتيوب
بنتيريست