سُودانوياتٌ من أصل بلادو

♤قلناليكم الزمن ده أي زول بجي بفصل دولة الغانون جبة على الله على مقاسو.
بغادي واحد ملحق إعلامي(بطل) رافض قرار الإقالة بذريعة تعاقدو مع نظام بائد
هداك سيدو في التمرق تولا. و كمان سمعنا قالو : زول منضمة لو شكانا بيكسبا
و يفضل جاثم على نخرين اليرضى و اليابى. و بجاي كيزان وحدة السدود
لامين في مديرم المكلف شلاليت و منابيز و بيهتفو قالو :" لا للإخصاء"
غايتو الفي إيدو القلم ما بكتب نفسو شقي و اللاقي هبوبو (بيضرِّط).

♤ و نحنا ياخواني كم مرة عليكم الله قلنا كلما نمسك قلم السجم دا
الما بزيل بلم و نقول كدي نقعد نتراجف بو . خايفين لحدت ما يجي
ينط لينا فيها ديك عدة . أكان قامو سعلوه بيكسرا و لو كمان عاد خلوه
يبرطع بكب فيها مخرجات حمارو الوطني يخسرا.أها، عاد نسوي شنو.