الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: حمله ايقاف نبطشيات 24 ساعه فى المستشفيات (Re: Asim Ali)
|
تحياتي اخي عاصم وضيوفك الاكارم
صعب جدا الواحد يشتغل 24 ساعة متواصلة دا لو ما مستحيل لانو لو ما تعبتا وبقيت شغال زي الحصان تركيزك بقل ودا في حد ذاتو مصيبة ليك وللعيان في مجال زي الطب والمصانع وممكن تقع في خطاء قاتل يكلفك كتير
سنة 2000 كنت هاوس اوفيسر في مستشفي ادرمان وشغالين ديوتي جراحة في الطواري زي الزفت وكان عددنا قليل جدا 4 هواويس وعمومي ورجسترار طبعا الأخصائي ما بنشوفوا الا تاني يوم في الكليرنس راوند ومطلوب مننا نشيل كل حوادث الجراحة في راسنا 24 ساعة و في مستشفي زي م امدرمان تخيل المهم متفقين نقسم الشغل بينا على اساس كل واحد فينا يلقى لي راحة ساعتين تلاتة جست تو سرفايف
بنشتغل كلنا من الساعة 8 صباحا ل 3 ظ بعداك بندي واحد فينا راحة يطلع الاستراحة ويرجع ويمشي البعدو وهكذا
انا اخترتا فترة راحتي من6 مساء لحد 12 بالليل لاني حا اكون اون كول وبجرها للصباح براي الا اذا حصل حادث لا قدر الله
كان عندنا زحمة ما طلعتا لحد 9 مساء فجاة حصلت مشكلة والله لحد الان ما عارف سببا كان عندنا رجيسترار من اخوانا الجنوبيين ربنا يطرا بالخير متسلط جدا وطبعا الشغل الوقت داك كان زي السخرة ما تقدر تقول بغم فجأة سعادتو لسبب ما قرر انو مافي واحد مننا يمشي يرتاح ونجرها كووووولنا للصباح مع بعض ركوب راس وعقاب جماعي مع ملاحظة انو سعادتو كان جايينا من الاستراحة وما كان شغال معانا
اقسم بالله اليوم دا انا عمري ما انساه ياخ انا حوالي 2 صباحا بقيت لا شايف لا سامع لا حاسس بشئ ولا فاهم شئ ولا عارف مالي احساس كدا غريب جدا وما مفهوم وصراحة الزول في مرحلة زي دي ما اظن بكون في اخطر منو على المريض الزملاء حاولوا يفهمي صاحبنا دا وضعي واني ما ارتحتا خالص من الصباح وجاريها عسى ولعل جنابو يحن وهو ولا هنا ولا هناك مصدر ليهم الطرشة
وقت وصلتا المرحلة دي
شلتا ليك شنطتي وطلعتا طوالي
و قلتا محل رهيفة تنقد ههههههههه
|
|
|
|
|
|
|
العنوان |
الكاتب |
Date |
حمله ايقاف نبطشيات 24 ساعه فى المستشفيات | Asim Ali | 10-11-19, 07:53 PM |
Re: حمله ايقاف نبطشيات 24 ساعه فى المستشفيات | Asim Ali | 10-11-19, 08:39 PM |
Re: حمله ايقاف نبطشيات 24 ساعه فى المستشفيات | خضر الطيب | 10-11-19, 08:55 PM |
Re: حمله ايقاف نبطشيات 24 ساعه فى المستشفيات | Asim Ali | 10-11-19, 10:04 PM |
Re: حمله ايقاف نبطشيات 24 ساعه فى المستشفيات | خضر الطيب | 10-11-19, 10:18 PM |
Re: حمله ايقاف نبطشيات 24 ساعه فى المستشفيات | Asim Ali | 10-12-19, 00:16 AM |
Re: حمله ايقاف نبطشيات 24 ساعه فى المستشفيات | اسامة الامام | 10-12-19, 01:25 AM |
Re: حمله ايقاف نبطشيات 24 ساعه فى المستشفيات | Asim Ali | 10-12-19, 11:18 AM |
Re: حمله ايقاف نبطشيات 24 ساعه فى المستشفيات | Asim Ali | 10-12-19, 01:43 AM |
Re: حمله ايقاف نبطشيات 24 ساعه فى المستشفيات | Hani Arabi Mohamed | 10-12-19, 02:30 AM |
|
تعليقات قراء سودانيزاونلاين دوت كم على هذا الموضوع:
at FaceBook
|
|