محاضرة صوتية :امريكا والصين والعالم الثالث

Quote: كيف تعرف إنك من الجيل السعيد الذي عاش في سودان الوفرة الذي سرقته منا ثم دمره لصوص الانقاذ لو شفت عبد الله خليل قبل ما يبقى محطة 😆 لو سمعت بالأزهري قبل ما يبقى حي جنوب الخرطوم 🤔 لو درست في الخرطوم ش الاولية قبل ما تبقى بنك 🏃🏃.. لو أتفرجت على شطة أو المفك مع فريق التحرير لو أتفرجت على بيليه ضد شواطين لو حضرت حفله للبلوستارز في النادي الكاثوليكي قبل ما يبقى مسرح عرائس👯‍♂💃🏻👯 لو رقصت مع جاز الديوم (حاجة كولن كولن)💃🏻 لو شربت لبن كافوري من القزازة .. 🍶 أو لو شربت كيس البان حلة كوكو 😅 لو أتغديت في الأتينيه لو اكلت ايس كريم من بابا كوستا 🍧 لو اكلت بيتزا من اطاليان اسناك في نمرة 2 مفتوح من الستينيات ( كلموا وزير المالية ) لو حضرت حفل لجيلاني الواثق لو اتفرجت علي كمال كيلا لو اتفرجت علي فرقة عامر ساكس 🎷🎺🎸 لو أتفرجت علي خالد طلعت بيفوز ببطولة الجمهورية في التنس لو أتفرجت علي وليم أندريه بيلعب باسكت🏀⛹🏻🎾🏌‍♀ لو بتعرف صينية سانت جيمس سموها كده ليه لو بتعرف مكان ال GMH ...أو شيش كباب (جلابية كايرو) فيما بعد .. لو لعبت كورة (شراب) لو شاهدت علي العتباني بيسبح ضد كيجاب لو اتفرجت علي ساره جاد الله و هي بتسبح لو اتفرجت علي فلم من اخراج جاد الله والد سارة لو دخلت فيلم هندي في سينما العرضة لو بتتذكر طعم الدبل كولا.... و أخيرا أنت أكيد كومر لو شفت (كومر الكشة) أو ركبتو😜😜 ولو حفلة زواجك مسجلة في شريط بيتاماكس واطاتك صبحت ..😜😇 لو شفت العربيه بدوروها بالمنفله🙉 لو اشتريت الخضار و اللحمه من زنك الخضار (مول الواحه) وشلتهم في القفه🙊 لو حضرت فلم في سينما كلوزيوم دور تاني 🐒 لو سمعت نداء (المعا قزاز) بالنغمات المختلفه لو مشيت المدرسه المتوسطه بالرداء 🙉 لو ركبت تكسي طرحه لامدرمان من المحطه الاسطي الخرطوم لو ركبت بص ابو رجيله لو سافرت مدني بالقطر واكلت بيض مسلوق في محطة المسيد🙈 لو كنت شاطر في المدرسه ووزعوك المدرسه الحكوميه واصحابك المجموعهم تعبان ودوهم المدارس الخاصه 😎 لو اكلت في مطعم وقلت عاوز وصله 🌭🍟 لو الحلاق عمل ليك القطعيه بالموس البسنوها بالجلد 👀 لو شفت بص الورديه التانيه بتاع مصنع النسيج لو سكنت البركس وحضرت اسبشال اكل الثلاثاء لو صرفت السكر والشاي والصابون من التعاون بالكرت 🐜🐜 لو اشتريت العيش من الفرن ببطاقة التموين🍪 لو اشتريت تكسي هكر عشان تصرف كوتة بنزين لو ردفت يوم السبت يوم التسميع🙈 لو عيان ومشيت المستشفي وصرفت الدواء بالمجان😃 لو قالو ليك جيب فتيل للدواء ابقي اكيد كومر اصلي😂😂😂😂 ا