Quote: تخريمة: مشكور حبيبنا خضر ... وين قباني من جهابزة المنبر ود القرشي و طراوة و صديقي ود الموج ... و غيرهم ... ديل ختو الساس و علو السور و انا طوبة ما ختيت على قولة سيدنا محجوب شريف ...
انت ملك التوثيق , الناس بتسمع لأغنية الحقيبة وانت بتستطعم الغناء
و صفوة جمالك صافي الماء على البلور ينعم صباحك خير و يسعد مساك النور هاك دي من موقعك للراحل الباشمهندس هاشم ميرغني .. و الحاج محمد احمد سرور و الشاعر عبيد عبد الرحمن و لصاحب البوست و لكل المتداخلين و المتابعين من عشاق حقيبة الفن صفوة جمالك
صفوة جمالك صافي في الماء علي البلور ينعم صباحك خير يسعد مساك النور ********* ظهرتا نورك بان نور من جمالك بان لا نور شموس لابدور فقت معاك في الجيل فقت المعاك في الدور يا الفي علاك بعيد وسماك سابع دور ضقتا الهلاك يا ملاك في هواك هلاكي يدور ********* يا فرحة المحزون يا نفحة المسرور مسراك يزيل الهم يمحي االاسى في صدور اسمح لي أتلو ثناك والدر يفاخر الدر ويفوح نشيدى الفيك ذي نفحة الرفدور ********* انا في شقاي ولهان يالفي النعيم مغمور فرش القتاد يا جميل ثم الكساوي جمور انا يرضيني ما يرضيك والناس امورا امور ومحال اسيبو هواك لو السماء تمور ********* بين القلوب ميزان صفاء وزنها المعبور قلبا يميلو الحب وقلبا يميل مجبور إنسان عشق إنسان إنسانه ما مجبور شخص الوفاء المفقود ولفقده ماني صبور ********* طرفى السهير يا سمير النوم يضره ضرور وعذابي لو سراك طبعاً أكون مسرور أوعد جفوني غميض والطيف يزورني مرور افرح وأقول يا ليل واشرح واحاكي سرور
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة