|
Re: طه عثمان و مدني عباس الاعلام الجلابي... الك (Re: د. بشار صقر)
|
يا بشار أكبر المؤيدين والكانوا سبب في وجود تعايشي وعمر قمر الدين .. والكانوا سبب أساس في ترجيح كفتهم هم الجلابة أنفسهم (حسب وصفك) مش انت أو أي أحد من الهامش الذي تدعيه كانوا سبب فالجلابة هم القدروا رجحوا كفت الاتنين ديل مع انهم من الهامش ولو الأمور كانت بتجري .. بنفس فهمك كان وقفوا ضدهم وضد ترشيحهم السبب الخلي الناس تدعمهم كان بسيط جدا كفاءتهم ونزاهتهم هي الكانت الفيصل مع توافق الكتلة التي رشحتهم وهسه انت خليت كل ناس الهامش التم ترشيحهم وفوزهم ومسكت في طه عثمان اسحق بس !!!! مع إنه ود البشرى شرح ليك السبب الكلنا عارفينه كويس والاتسبب في اللغط الحصل في ترشيح مدني لكنك ستظل تواصل على نفس نهجك .. وماحتقدر تقول غيره لانك تعبر عن فهم انت مبرمج عليه وبالمناسبة برضو المعارضين لوجود مدني هم نفس الجلابة الماعاجبنك ديل .. الأمر مش بالصورة الانت وبعض منسوبي الهامش بتحاولوا تروجوا لها لاجندة تخصكم ولا علاقة لها البتة بقحت وقوى حرية وتغيير وتجمع مهنيين وفهم جلابة ده انتو جعلتوا منه قميص عثمان واداة للفرقة وشق الصفوف ودعم للثورة المضادة بمنطق يانحكمها نحن برانا يا بلاش فانتم لن ترضوا حتى يلج الجمل في سم الخياط وستظلوا تحاربوا الشمال حتى الانفصال .. فحقوا ماتتعبوا أنفسكم كتير في البحث عن تبريرات ونقاط تلاقي متوهمة .. شيلوا سلاحكم وحاربوا دون كيشوت المركز الذي لاوجود له إلا في أذهانكم .. بالمناسبة الحكومة المدنية دي أغلب أفرادها حيكونوا من غير الشماليين.. كما السيادي وبرضو لن ترضوا عنها غايتو أكبر فائدة للثورة دي إنها جعلتكم تقفون بلا أي ساتر يحجب عن الآخرين أفكار ورؤى طالما أنكرتموها وداريتموها ابان حكم البشير الآن كل شيء ظهر .. ولا مجال للمداراة والمتاريس القديمة سقطت مع سقوط النظام الذي كلنا كنا نحاربه جلابة على هامش لكن أنتم ضد كل الشماليين وبمختلف مشاربهم وأحزابهم وأفكارهم ورؤاهمم لا عندكم شغله بي انتخابات ولا شرعية ولاديمقراطية .. فخلاص شغلتكم بقت واااضحة عنصرية حتى النخاع وضد كل ما هو شمالي حتى وإن كان حليفكم بالامس ستحاربوه وهذا أمر مؤسف ويدعو للرثاء والحزن هسه المجلس السيادي ده الشماليين فيهو كم ؟ .. ماياهو اغلبه من كردفان ودارفور أنا أديتك النجيضة في بطن يدك فأبقى عليها عشرة لأنك حتلف تلف وحتجيها راجع
|
|
![Edit](https://sudaneseonline.com/db/icon_edit.gif)
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|