هل الشعب السوداني فى حاجة الى حزب عنصري كالبعث العربى الاشتراكي

معليش يا عمو عادل . أنا أصلن جيت كايس لأخونا
إدريس لقمة دا . هابشني أمس في حتة قريبة من هنا
لقاني بتكلم عن:« ثلة من الوفقو قنا..مع شلة معارطة
من فنادقهم »؛ قام شال الكلام لروحو ؛ و لامن قمت
وضحت ليه اللبس في القصد تاني ماجاني راجع.

[} أما أنت يا عمو في نظري ، أكتر زول شايت صاح.
لكن بس خلنا نقول :" لا يكرم نبي في قومه"و لامن تلقاني
حايم في منطقة عملياتك، تأكد إنك لو بتجدع فأنا البجيب
ليك الحجار ؛ و لو انت البناي ، برضو أنا البناولك الطين.

[} طبعن دا لأنو شغلكم بتاع (ساس يسوس الحمير
و البغال يريد ترويضها دا، حظي منو متل حظ نبي أمتنا
الكريم من قرضه للشعر و علوم العروض. هذا ، و إن كنت
أتوق لتعاطي هذا الصنف من الكبنقة ؛ كما يصبو صبي
مشرد لكروفة البنزين في حقول أبو جابرة و هجيليج؛
أو كما يحلم حالم بلبن الطير في الباقير ؛ أو كما
ينبش صادق بحثا عن النزاهة في (قمامة) نفاق.