|
Re: عبد الواحد محمد نور: اتفاق المجلس العسكري (Re: Gafar Bashir)
|
سلامات يا باشمهندس جعفر بشير كل سنة انت والاسرة بالف خير. الأستاذ عبدالواحد وبقية قادة الحركات الثورية السودانية هم في الخارج لكن جماهيرهم في الداخل وأكثر من قتلوا شرودوا وعذبوا وسجنو من قبل مليشيات وجهاز أمن حكومة الانقاذ هم جماهير قادة الحركات المسلحة الثورية السودانية وأكثر شخص اهلو قتلو وشردو من قادة الحركات المسلحة هو الاستاذ،عبدالواحد العالم كلو شاهد كيف استهدف نظام الإنقاذ أبناء دارفور واتهمتهم بعملاء لإسرائيل وسجنتهم وعذبتهم في بداية الحراك الجماهيري في الخرطوم عكس ناس تجمع المهنين والأحزاب السياسية .الاخري.انا اري الراجل محق ومحق جدا في كلامو يا باشمهندس . الثورة السودانية التي أطاحت بنظام الإنقاذ هي ثورة لم تبداء في ديسمبر 2018 كما يظنها أو يتخيلها البعض هذه الثورة بدت من الأطراف السودان منذ زمن طويل واتراكمت حتي وصلت الخرطوم وتلاحم الجميع وأسقطو النظام . اذن يا باشمهندس الثورة ثورة الجميع ما فيش حد احسن من حد . صحيح الأستاذ عبدالواحد والقايد عبد العزيز حلو رفضو التوقيع علي وثيقة قوي الحرية والتغيير والراجلان لهم مبرارتهم وحججهم علي الوثيقة عكس بقية التنظيمات التي وقعت علي الوثيقة. رفضهم التوقيع علي الوثيقة لا يعني تجاهلهم كان من الاجدي الناس تتواصل معهم حتي يصلو الي حل معهم قبل توقيع علي وثيقة أديس أبابا ولا وثيقة الإعلان الدستوري طالما الثورة نجحت وأسقطت النظام الاستعجال لشنو؟ بالنسبة للحركات الموقعة علي إعلان قوي الحرية والتغيير قوي الحرية والتغيير ذهبت الي أديس أبابا وجلست وتناقشت وتفاكرت مع هذه الحركات ووصلوا الي اتفاق هناك. ليه ناس قوي الحرية والتغيير لامن رجعو الخرطوم رفضوا ونكثو عن اتفاق أديس أبابا؟ وهذا يعتبر إقصاء بكل المعني . اي ابعاد او إقصاء للحركات الثورية المسلحة السودانية من أي اتفاق انا في تقديري هذا الاتفاق مصيرو الفشل وربما يؤدي الي تأجيج الصراعات والحروبات في السودان من جديد وتكون الثورة ضاعت ساكت وربما يتفتت الدولة السودانية برمتها . السودان الان في مرحلة حساسة جدا علي الناس الاستفادة من دروس الماضي حتي لا يتكرر أخطاء الماضي.
|
|
|
|
|
|