متذكرين مصر؟؟ لم اسعار المواد التموينية و الوقود زادت ٣٠% "بالتدريج " و الناس بدت توعى على الحاصل و بدو ينظمو ل تظاهرات ضد النظام . حكومة العسكر دفعت ل غادة عبد الرازق مبلغ مغري مقابل انها تطلع في فيديو لايف في السرير و بي قميص نوم ، و فعلا عملت كده و الإعلام المصري الخايس روج للفيديو و الجداد حقهم ما قصر كمان على السوشال ميديا و الفيديو بقى تريند و شويه و كان يبقى قضية رأي عام و في ظرف أيام الناس نست موضوع الزيادات ده و كل كلامهم كان على فيديو غادة . ده نفس اللي بحصل حاليا داليا إلياس ليها اكتر من أربعين سنه و ما حبت تتكلم عن موضوع الفحوليه ده الا في التوقيت ده لييييه؟ و قبلها كانت تصريحات المهدي (دخان، بوخه ، وجع ولاده..إلخ ) " دي سياسه بتستخدمها كل الانظمة الديكتاتورية " الناس تكون اوعى من كده بي كتير السوشال ميديا سلاح ذو حدين كانت سلاح حاربنا بيه النظام و لا زالت و حاليا هم بحاربونا بيها . كل البحصل ده ل لفت الانتباه على موضوع و غالبا بكون خادش للحياء و جرئ وتافه عشان ننشغل عن القضيه الاساسيه. " هم عايزننا ما واعيين ، مغيبين " و النظام ده م بتحارب الا بالوعي بالوعي بالوعي
سؤال :- بعد موضوع داليا إلياس ده اللي ظهر في نفس توقيت اعتصام الساحه تاني في زول اتكلم عن اعتصام الساحه ؟ عايز أجابه! الخلود للشهداء💙
العنوان
الكاتب
Date
مقال داليا الياس ... سياسة الإلهاء بتستخدمها كل الانظمة الديكتاتورية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Khalid Elsayed
فيس بوك
تويتر
انستقرام
يوتيوب
بنتيريست