|
Re: الأحزاب الرافضة للإتفاق الثنائي من داخل م (Re: Asim Ali)
|
سلام يا عاصم.. الوثيقة دي حشروها حشر وسموها تسمية قاطعنها من رأسهم. لو تذكر كان اسمها الوثيقة الاثيوبية وهي 7+7+1 مجلس وزراء كااامل و (67%) للتشريعي ودي كانت بعد فض الاعتصام لما جاء آبي أحمد وقعد معاهم وحاول يقرب بينهم وترك البروفسير درير ممثل ليه في الخرطوم وكان مفروض يرجع بعد اسبوع يحضر مراسم التوقيع.. قبل الاتفاقية دي كانت إتفاقية قحت نفسهم قبل المجزرة وهي كانت مناصفة في السيادي كتنازل كبير تم من جانبهم للعسكر.. حصل العصيان المدني والقوي قالت مااااا ح تقعد مع العسكر تاني. هنا ظهر هذا ولد لبّات. ما أظن في أي حد نسي لما الكباشي قال قدامنا أكثر من وثيقة!! الناس طلعتوا كضاب وعاوز يلتف وووو.. فجاءة ظهرت لينا الوثيقة دي وسموها الوثيقة (المدموجة) الاثيوافريقية المعيبة جداا. طلعت نسبة ال (٦٧٪) في التشريعي برا الاتفاق خااالص!! ومنح العسكر فترة الترأس الاولي!! ودغمس الوثيقة وحاول يمررها من غير ما المكونات حتي تتفق عليها وتدرسها.. الوثيقة الافريقية هي عبارة عن تقييد للثورة علشان ما تنجح وتنتشر ولاقت هوي من العربان والامريكان والاوربيين وتم الضغط علي قوي الاعلان للإنحناء حتي ولو علي حساب وحدتهم. الشارع يا عاصم بقول العدالة اولا وقوي الاعلان بتوقع علي المسآلة بعد تكوين اللجنة اللي حيكونها العسكر من قضاء ونيابة ووزير عدل.. راجع الوثيقة.
|
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|