حقك علي يا (فيسل) على قول استاذنا اللورد الطيب شيقوق واستاذنا اللورد يحى عبد الكريم..وكل ناس قانون جامعة الخرطوم..وين الأصول يا اهلنا؟؟ كنت يا فيصل ، قاصد بوست لصديقنا عبد المنعم حسن الطيب..ذات عزية في شان الإنسان السوداني الطيب.. الإسمو يوسف حسين..!! وانشطرت ، يا فيصل..،يا فيسل بي قول الطيب شيقوق،..انشطرت يا قريبي: يا ربي اعزي في يوسف حسين كما اي سوداني عادي ، ان شاء الله يكون ود حرام ، ولا ابكي ذاتي وذات السودان في اللؤم ..لؤم النخبة السودانية التي تريدنا ان ندفن رحيل يوسف حسين ، كأنما هو خبر عادي مثلما انتصار فريق الجيل على فريق الجبال في مدينة نائية مثل مدينة الدلنج..؟؟..مدينة ناس السودان ما عارفة فرقها الرياضية..!! واخد بالك يا صديقي عبد المنعم حسن الطيب..!! يا الحزب الشيوعي: ليه السكوت على رحيل قامة مثل يوسف حسين؟ وليه الحتة دي ،عشان ما يقوم زول اقليمي وريفي..يغلط يا حزب يا شيوعي يا سوداني؟ صحيح يوسف حسين شيوعي يا ناس الحزب الشيوعي السوداني الفاضل اليوم ، لكن ما تنسوا يا عالم انو يوسف حسين ارث سوداني جميل..ارث عندو معاني بتهم ناس كتيرة وممكن تكون فهمت كلامو..!! شكرا حبيبنا وابونا واستاذنا المهندس يوسف حسين..! اعتبرنا الناس العرقا بيجهر..والسرها في يوم ح يبين..!! ح يبين يا يوسف حسن..تماما كما تصورت..!! شكرا حبيبنا واستاذنا عبد المنعم خليفة خوجلي..الذي ادلي بشهادة نادرة عن المهندس يوسف حسين..! شكرا حبيبي وصديقي ...عدونا..عبد المنعم حسن الطيب..!! ما تخاف يا منعم..ذاكرة امسودان باتعة يا قريبي..! اوعك تندهش..يا منعم..ذات عزاء في شان يوسف حسين..ناس تقول ليك: كتلوهو الناس القصر..والربحوا تجار الدين..! برضك هناك يامنعم..برضك هناك الناس التنضح سكر..التنضح سكر يا منعم..!! شكرا فيصل، شكر معنم الطيب..والأهم شكرا يا عم يوسف حسين..وياريتنا نقدر نبقى قدرها يا حبوب..!!..كن طيبا يا يوسف..كن سعيدا يا عم..يا زول يا عالي..!! كبر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست