Quote: نطلقت حملة مزايدة وتخوين غريبة جدا لقوى الحرية و التغيير وكلها من الناس البرة الشايفين الأمر من خلف شاشة غالبا مساحتها لا تتعدّى الـ 4.6 بوصة!! و يرّوا الناس القاعدين على الارض و مواجهين بالاعتقال و القتل و يتعرضون للضغوط الخارجية و الداخلية على مدار الساعة يعملوا شنو وما يعملوا شنو!! وكمان مزايدة على وطنيتهم!! الناس السايقين الثورة دي و قايدنها من ديسمبر! حاجة غريبة
ناس برة ياتهم ديل القاصدهم يا محمد؟ ناس الخليج!! معليش مقدرين ظروفهم.. اما ناس برة الثانين لو أختزلت دورهم في قعادهم وراء الشاشة دي تبقي اما ما شايف ما سامع او مكابر.. الوقفات والمسيرات في كل مدن العالم وتوصيل صوت الثورة ماكان وراء الشاشة. في اجتماع قحت الليلة في تيارين.. واحد عاوزها مدنية كاااااملة والتاني عاوز البرهان رئيس.. تتخيل!! ناس برة خلهم.. امسك ناس جوة الثوار زاااااتهم في عضهم. امس كان الدقير وخالد سلك وسط الثوار برضو.. ما سمعنا قالوا خونة او يسقطوا بس..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة