حميدتي في خطابو امس بسخر من اثيوبيا قال ما يعملوا مبادرة ويجونا يحددوا لينا نعمل شنو والعندو موس يحلق بيها دقنو. اي والله العندو موس يحلق بيها دقنو دي كلمة تتقال لي دولة جارة وشقيقة تقدمت بمبادرة حل مدعومة من الاتحاد الافريقي /الايقاد/المجتمع الدولي. بغض النظر عن المبادرة الاثويبية مشكورين عليها هل تعلم اضخم 10 مشاريع في العالم احداها في اثيوبيا وفي ذلك الوقت كان البشير يفتتح ماسورة مويه وخزان سعة 10 براميل وانت يا حمديتي كنت بتكسر تلج للبشير وبتقيف صاري ضنبك وبتشكبو نشكر السيد الرئيس على التنمية والانجاز والكيزان بكبرو ويهتف رافعين اصابعهم عالية في الهواء. نمرة 2 رئيس الوزراء الاثيوبي كان ضابط جيش محترم لحدي ما وصل رتبة عقيد ونزل معاش وبقى طالب جامعي ناجح لحدي ما خلص بكالريوس هندسة حاسوب ماجستير فض النزاعات الدولية دكتوراة إدارة اعمال اضافة لي تاريخ سياسي ناجح كبرلماني ثم وزير اتصالات قبل يصبح رئيس وزراء ومن اهم الشخصيات في العالم. من اسرة محترمة والده لحدي ما اتوفى كان بتنقل بالمواصلات العامة واسرتو من الاسر القليلة الحاكمة في افريقيا وغير متهمة بالفساد. ثم تانيا لحدي ما الناس تلحق بلدها وتوديكم الشارع انت العولاق المعاك خليك في الشرتاي والعمدة وودعة وخيل النجعة والكيزان وراتب 3 شهور وكلو بالغانون ودورو البابور مالك ومال العلاقات الخارجية. الجاهل عدو نفسو #مليونيه30يونيو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة