|
|
 Re: قوي الحرية والتغيير انتباه (نقطة نظام) يوج (Re: Bashasha)
|
عبد القادر..حبابك يا صديقي
ههههههه..
ان كنت تقصد المتحدث في الفيديو الذي ارفقته ، فاقول:
اول بالتبادي: النظام محفوظ يا قريبي (انا لست من قوى الحرية والتغيير ولكني ادعم بعض مكوناتها السياسية وادعم بشدة تجمع المهنيين ، يعني اعبر عن رأي شخصي)..
ثاني التبادي: الشاب المتحدث اسمه جعفر ، ولم أرى خروجا عن قواعد اللباقة والإتكيت..بالعكس الزول ده فاهم هو قاعد يقول في شنو ويسوي شنو بالضبط (اتكلم كتير عن فكرة التخصص وقال تخصصو خطابة سياسية:نظام نضمي ساكت ، لكن نضمي مبني على معلومات وتوجيهات..على الأقل من الناس البتتفاوض باسم الحرية والتغيير)..
ثالث التبادي: كلام اخونا جعفر عن الرئيس الأمريكي ترامب ليس فيه أي اساءة ، بالعكس لو حصل زول ولا زولة بالغلط ترجم كلام هذا المتحدث لترامب..صدقني ترامب ح يتكيف مليون قيراط وح يملأ ليك الشعب الأمريكي ، والعالم اجمع ، فقر ويقول ليهم: ياخي الأجانب اعترفوا باني انا زول حمش وصعب ومكمل الرجالة تب..!
رابع التبادي: اظن ان هذا نهج جديد في الشفافية ، ورص الحاجات كما هي. سابقا كان الأمر يترك للساسة ، يعني الشعب يعمل ثورة يسقط نظام ديكتاتوري ثم يترك الأمر لنخبة سياسية تسوط وتجوط وتسقط حجر البلد في متاهة مظلمة ، الآن الأمر مختلف ، وبعض القوى السياسية وعت الدرس (مع انو صاحبنا جعفر قاعد يقوم بتسويق حاجات فيها شوية خيال وكده ولكنها قليلة نسبيا ، يعني شوية بهار ما بطال ، بس ما يكتر لينا المحلبية..!!)..
اذن يا صديقي لا يوجد ما يستدعي لفت النظر ، واطمئن يا صديقي مافي فوضى..اللهم الإ اذا حدث حفر القوى السياسية لبعضها البعض على السطح ، وهنا برضو الشباب صابنها..يعني المرة دي الفكرة الأساسية التي تخيف الساسة قبل العسكر هي أن الثورة محمية والشباب مصر يوصلها الحد: يا اتأدبنا ومشينا لي قدام ، يا كمان سطناها للطيش !!
كبر
|
|
  
|
|
|
|
|
| العنوان |
الكاتب |
Date |
| قوي الحرية والتغيير انتباه (نقطة نظام) يوجد فوضي | عبدالقادر محمد | 05-03-19, 04:37 PM |
| Re: قوي الحرية والتغيير انتباه (نقطة نظام) يوج | عبدالقادر محمد | 05-03-19, 04:48 PM |
| Re: قوي الحرية والتغيير انتباه (نقطة نظام) يوج | Gafar Bashir | 05-03-19, 04:48 PM |
| Re: قوي الحرية والتغيير انتباه (نقطة نظام) يوج | عبدالقادر محمد | 05-03-19, 05:06 PM |
| Re: قوي الحرية والتغيير انتباه (نقطة نظام) يوج | Bashasha | 05-03-19, 05:41 PM |
| Re: قوي الحرية والتغيير انتباه (نقطة نظام) يوج | عبدالقادر محمد | 05-03-19, 06:02 PM |
| Re: قوي الحرية والتغيير انتباه (نقطة نظام) يوج | عبداللطيف حسن علي | 05-03-19, 06:32 PM |
| Re: قوي الحرية والتغيير انتباه (نقطة نظام) يوج | محمد البشرى الخضر | 05-03-19, 09:30 PM |
| Re: قوي الحرية والتغيير انتباه (نقطة نظام) يوج | عبدالعظيم عثمان | 05-03-19, 10:51 PM |
| Re: قوي الحرية والتغيير انتباه (نقطة نظام) يوج | Bashasha | 05-03-19, 11:25 PM |
| Re: قوي الحرية والتغيير انتباه (نقطة نظام) يوج | Kabar | 05-04-19, 04:26 AM |
|
تعليقات قراء سودانيزاونلاين دوت كم على هذا الموضوع:
at FaceBook
| |
Kabar
فيس بوك
تويتر
انستقرام
يوتيوب
بنتيريست