بالنسبة لحتة التناحة فلأنو ليها علاقة عضوية و ( طردية) مباشرة بعدم ثقافة و أو على الاقل قلة أدب التنحي. و موش بعيد ب، قد تكونان مشتقتين من نفس الجذر من حيث ميزان الصرف اللغوي، متلما أخونا عمر التاج هداك شابكني متهمي ليك (ياخي والله ود التاج دا ليه جنس حاجاتٍ غياتو).قام قاللي أنتا مرة اشتتقيت لينا حتى كلمة ( خلاعة) الواحدة دي من نفس عائلة خلع يخلع فهو أما خالع مخلوعٌ منزوع نزعاً من ملكٍ قد أوتيته تميرات فوق راس فكي على طبق من ذهب أو على ضهر دبابة فكل الطرق مؤدية إلى القصر الجمهوري .
# عمومن، الشاهد إنو ياخوانا مافيش داعي للتناحة و كفاية لحد هنا ، على الاقل لحد ما الناس تنسى أو تتناسى إنكم الاتنين مع بعض كدا ما شاء الله عليكم بتذكروني بشخصية مركبة وردت في رواية بولييسية أظن لأجاسا كريستي: "دكتور جبكل أند مستر هايد" بتحكي عن طبيب شكلو كان صيدلاني و قام توصل ليه لاختراع كيميائي استنسخ من نفسو شخصية شريرة تركيبتها متنافية تماماً مع رسالة مهنته الإنسانية بامتياز . و بالتالي كانت ترتكب بلاوي حت جنح الظلام تجيب ليه مشاكل .فكدي إنتو فكرو في النصيحة دي كويس والعاقل من اتعظ بغيره .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
دفع الله ود الأصيل
فيس بوك
تويتر
انستقرام
يوتيوب
بنتيريست