مخالف سعادتك..

Quote: قصة النقيب حامد .. للماعارفنها الذي اختار النار الضلها بحرق (القصه دي مفروض اي سوداني تصلو و تدرس اول درس في تاريخ الثورة السودانية) مخالف سعادتك .. بهذه العبارة ادار ظهره لتعليمات الانحساب فوراً نضال وشهامة وقرار بطولي كان يعلم بان مصيره الاعدام ولكنه وقف بامشاطه على نيران الموت ليحمي الثوار . "ساحميكم لاخر نفس واخر دقة قلب" "ساقف وحدي بالدوشكا امام من يريدون قتل الشعب السوداني" ‏الثريد ححكي فيهو عن النقيب حامد ، المعظم الناس ماعارفه قصتو شنو ولو قتلو نحن ماحنغفر للجيش اصلا : ‏النقيب جيش حامد عثمان حامد ، الساعه تقريبا 1 ص فجر 7 ابريل جات معلومه انو الجيش باع القضيه وحيسلما للجهاز والكجر اذا ما اتحركنا من القياده الساعه 2ص ونحن رفضنا وقلنا نبيت ‏والناس فرشت اليافطات ورقدت ومعظمنا نامو الكلام دا قدام رئاسه الاركان المشتركه ووزاره الدفاع بالظبط ،، الساعه تقريبا 1:30 ص جات وسمعنا صوت بمبان وقنابل صوتيه مدويه في اتجاه مباني الجهاز ‏فجاءه الشغلانيه قلبت ذخيره صوتيه ومطاط ،، لما الثوار صحو وهاجو علي ناس كتائب الظل في كتيبتين اتحركو من الجيش يحمونا اللهو معاهم كان حامد واتصدا ليهم جاء ضابط من الامن قال للكتائب اتحركو من هنا وبالجد الجيش هرش ورجع الا حامد ‏ونسيت اقول ليكم انو في اثناء اشتباك الثوار مع الدعم في قناصه تقريبا فكو فينا زخيره حيه وقتلو تقريبا اربع من الثوار ٣ اصابات منهم جياشي ‏نرجع لي حامد اللحق التاتشر بتاعو وقال للمعاهو اسبت ودور الدوشكا في كتائب الظل الكلام دا قدام عيونا .. الكجر اتراجعو لما عرفو في اصابات واربعه ماتو وانسحبو في لواء او فريق ما بتذكر جاء قال لحامد يرجع و يوقف ضرب النار حامد قال ليهو الناس ديل بقتلو في اخواني و الله ما اخليهم اللواء قال ليهو دي اوامر قال ليهو مخالف سعادتك و دي استمارتي و البوريه حقي انا الليله مواطن قام قال ليهو خلاص دخل التاتشر جوا قال ليهو التاتشر دا منو ما بنزل و الدوشكا دي معمره للصباح و تاني مافي كلام الا بالدوشكا 💪 (الكلام دا سمعتو براي ما حكاهو لي زول) ‏حامد قال مابرجع تاني واتعهد انو يحمينا هو وكتيبتو الرجعو ليهو لما لقوهو اشتبك براهو .. وفي اثناء مانحن قاعدين معاهو قال لينا بالحرف الواحد "يا اخوانا الحكومه دي لو ماسقطت الليله انا بكره حيعدمونا بالرصاص" والله بكينا بدموعنا ‏وقولنا ليهو والله مانخليك براك ولو فيهو موت حنموت معاك وبتنا معاهو والله للصباح .. الصباح كبس وصلينا الصبح حاضر وقلنا يلا الناس تصحصح وتشوف ثورتا وين .. واملنا في انو الناس حتجي راجعه لينا بدري وحنسقط النظام ‏ومع نسمات الصباح الجامع قال الله اكبر الله اكبر لا اله الا الله ، الله اكبر ولله الحمد ، ياخ نحن خشت فينا فرحه عجيبه (الاحساس في اللحظه دي كان ما بتوصف و ادانا حافز كبير ). وفجاءه الناس صحت وموكب كبير جاي علينا من جهه النفق بتاع جامعه الخرطوم والناس بدات تتطمئن ‏مع الموكب الجيش بقي يسحب قواته وبحاولو يصلو لي حامد ويعتقلو بي اي طريقه ، وحاولو كم مره ضابط يجي يرفعو لكن نحن دقينا اي زول بقرب من حامد ،، لما البمبان بقي كتيرررررر شديد يعني كل ثانيه بفكو بمبانين ‏الناس بقت في حاله هلع واتشتتت بطريقه مريعه والجياشه الكانو مع حامد انسحبو الثوار ملو التاتشر وختو حامد في النص وحموهو بي اراحم وبقولو "حامد رئيسنا" وبالجد لو كان اتقلبت انا كنت برشحو اول زول بالموقف الرجولي العملو ‏البمبان كتر والقنابل الصوتيه كترت والشرطه اقتحمت الاعتصام الدبابات او المصفحات حاولو يعتقلو حامد الثوار في لحظه بطوليه وقفو قدام الدبابات لما رجعو والبمبان زاد وزاد وزاد والناس اتشتت الكلام دا حوالي الساعه سته ونص سبعه الا من صباح اليوم ٧ ابريل ‏حامد قال لسواق التاتشر ارتكز ودقا في الشرطه دي دوشكا ياخ لو في زول صور اللحظه دي ينشره هنا ، حامد كان عامل ذي سوبرمان مع علم السودان الربطو ليهو في ضهرو والهواء مطير العلم وماسك الدوشكا ونحن وراهو ياخ اجمل لحظات في الحياه اقسم بالله ‏نسيت اذكر ليكم انو نحنا الصباح ذي الساعه ٥ص ٧ابريل حاولنا نقنع حامد انو نحن نلبسو ملكي ونطلعو من الحته الواقف فيها عشان مايحصل لي حاجه ، رفض وقال : "ابوي لو جاي وقال لي انزل من التاتشر ماحنزل" ياخ والله العظيم بطل ياحامد ! النقيب حامد في يوم ٧ ابريل اتصاب برصاصه في الكتف التاتشرات الضربتنا رصاص كانت لوحاتها تابعه للدعم السريع في اليوم دا اتردمنا رصاص كده ما خيالي مع العلم انو ما كان اشتباك كان مقصود بيهو النقيب حامد و الثوار المعاهو ، بعد اصيب حامد بالرصاص اخذوهو الثوار و رفعوهو و مشو بيهو المستشفي ، حاليا حامد بخير و عافيه الحمد لله حتي الثوار ما قصرو و مشو ليهو زيارات و تقريبا حاليا في بلدهم حجر العسل #شاهد عيان منتظرنك يا بطل في القيادة محمد باش