مسلسل القتل و هتك الأعراض والرعب (جزء أول، وثاني، وثالث، ورابع........)..

Quote: والله بالشفتو الليله دا، قانون الطوارئ و قلة أدب البينفذوهو ح يبقوا سبب في امتلاء شوارع السودان بملايين البشر و اقتلاع البشير و عصابتو قريب جدا و إلى الأبد! نظاميين بذي الشرطة في تقاطعات شارع الصحافة ظلط يوقفوك و يفتشوا العربية عدله و قلبه، يفتشوا على القروش! قروشك! يقلعوا شنطة اي زول فيها قروش يجيبوها للضابط يمدوها ليهو شايل قروش يا سعادتك! و سعادتك يلفحا! عشرات العربات قلعوا شنط أصحابها! و أي زول شالوا شنطتو جنب و وقف منتظر شنطتو الفاضية غالباً! و ما معروف الحصل معاهم شنو وراي! انا فتشني ضابط برتبة ملازم سألني بقلة أدب شديدة اول ما فتحت باب العربية شاربه شنو؟ و قرب مني جدا بطريقه أقرب للتحرش و سألني تاني سكرانه؟ قلت ليهو بعد حنست نفسي شديد لا قال لزمايلو و هو بيفتح في الأبواب الخلفية بيره، شاربه بيره! شال اي كبايه في العربية شماها و طلع اي قارورة مويه فتحا شماها و معاها سؤال باستفزاز شديد دا عرقي؟ و انا ساكته بعاين ليهو قال لي عيونك دي مالا كدا؟ ما رديت، قال لي ساكته مالك؟ انا بسألك عيونك دي مالا كدا؟ قلت ليهو بتسأل من شنو تحديدا؟ خلقة الله؟ قال لي عيونك دي ما طبيعية قلت ليهو انا ما شايفاها، الشايفا انت، لو قلت ما طبيعية معناها ما طبيعية، و عشان ما اتأخر اعملوا لي مخالفة العيون الما طبيعية امشي بيها للجهة البتحاسبني علي المخالفة دي عشان امشي بيتنا! المهم الحوار طويل لكن حبيت اطمنكم اكتر بانو النماذج النزلوها الشارع تحرسو دي، هي ال ح تعجل بي رحيلو و ماهو عارف و كل يوم جديد ح ينضموا (سبعين واحد و واحدة) جداد للثورة بسبب الظلم و نهب الشنط المسلح دا! و أشهد الله ما حصل يوم اطمنت على نجاح الثورة دي زي الليلة يعني عااادي ممكن تتبادلوا التهاني من هسع! #حكومة اللص و اللصة ح تسقط هسه انتهت القصة والله جد