قبل نخش شمال ، تحية لصديقنا ول ابا ادم صيام ، وضيوفه..! بخرة سريعة لحبيبنا منتصر عبد الباسط..!
صه يا كنار..!!..والله صحي يا منتصر.!
ليه ما يكون عيال ابا ادم صيام والهادي (بتاع مناورات الصادق المهدي) من جزيرة المهدي الإمام؟..فكرة عجيبة وقد تكون ما عندها معنى..ولكن..!
قريبك كبر يا منتصر ، بيقرأ حاجات امسودان في سياقات ثقافية وجمالية..والأغرب بيحاول يسقط ذلك على السياسة..!
عارف يا منتصر: لو كنت ماشي في بوداي المسيرية..اول زول يلاقيك بيكون سؤالو واحد فقط:منينك يا اخوي؟..أي من اين انت يا اخي..!
يعني هسع لو انت سألت: ادم صيام والهادي..الإتنين ح يطلعوا من نفس الحفرة بتاعة الصادق المهدي: حفرة الجزيرة ابا..وسلام يا المهدي الإمام..!
السنين بتجعل الإنسان يكتسب تجارب مختلفة ، يا منتصر، واصدقاءنا شقوا الديار (اهلك البقارة بيقولوا: شق الديار علم..!)..والعلم طلع في راسهم لدرجة ان افقدهم الحساسية الإجتماعية والزوق والإتكيت ذاتو..!
كون عيال الأنصار (من الجزيرة ابا ، جزيرة المهدي الإمام عليه السلام) يطلعوا يسار وعلمانية..دي مشكلة منو يا منتصر؟..وليه حزب الأمة فقد الشرعية بالنسبة ليهم وصار لا يرضي طموحهم ، وفكاهم ما بعد الجاسر (هل بتعرف الجاسر يا منتصر؟) وخلاهم في الصقيعة يجتهدوا: شمال وشرق وغرب وجنوب ، وفوق وتحت..؟؟؟!!
اها ناس زي ديل تتفاهم معاهم ككيف يا منتصر؟ يعني تطلعهم كيزان (والله يشهد: ادم صيام والهادي سبيل ، ابعد خلق الله من الكيزان والأنصار واهل القبلة ، شباب زي الورد يا منتصر ، ناس يسار بتحلم ببلد تحترم الإنسان وبس..!!!) شرحو يا منتصر: شوفوا سكة تانية للتفاهم مع اخونا ادم صيام..وصدقني ح تلقوا عندو حاجات كتيرة ممكن تنفع لي قدام..! البقارة قالوا: عشان غرضك ، افرش خلقك (الخلق هو قماش الملبس ، معنى المثل: من اجل تحقيق غايتك عليك ان تفرش ثوبك ليطأه الجميع..!..يعني التواضع وكده..!!)..! يعني الهجوم ، عادي ممكن يجيب هجمة مرتدة..! اما فكرة ادم صيام هنا : هي شنو بالضبط..فبرضك اهلك البقارة يا منتصر قالوا: الرجال تحت الشوك..! وهم مش رجال سايبة كده ساكت ، عشان ذات بروباقندا ، تكتف ادم صيام او الهادي وتقعدهم في علبهم..وانما رجال تبحث عن سودان تاني (من عجب من ناسو امثال ادم صيام..!!)..\ ليه يا منتصر ، زول من الجزيرة ابا وبكل صراحة يقول ليك: الإمام ابو تفليقة؟.. بريمة ، اختصرها من الطيش وقال: لن نصادق غير الصادق؟ اها دي برضك عندها تمنها يا منتصر..ومع ثورة الشباب السوداني في اليومين ديل..مافي حاجة مجانية..!! المضحك في الأمر يا منتصر: بريمة ، ادم صيام، الهادي ، كبر.زفي نفس الخندق وبأدوات مختلفة ، والغاية واحدة..!!..واقع ليك يا قريبي؟؟..امسودان بلد المحن يا عم منتصر..والله صحي..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة