عثمان ذو النون ، بلدوزر الثورة

Quote: استغرب جدا لمن القى منتظراتية في الموقع ده متبنين الثورة ومصنفين الناس لضد ومع وكل رصيدهم هتافات فارغة في سودانيز، الواحد عمرو ما نزل ميدان ويقولك ذو النون كوز ما يبقى كوز يا اخ ولا جن احمر اذا كان بجمع كل يوم ٨ الف مشاهد لايف ويحمسهم للثورة مايبقى كوز ولا جن احمر اذا كان بنفسه لما طلع من البلد طلع من قلب مظاهرة في الشارع واعتقل واتعذب لشهور حتى اصيب في رجله واعضاءه الداخلية، مايبقى كوز ولا جن احمر اذا كان حسابه الشخصي الداعم بيه الثورة الان هو الحساب رقم واحد في السودان حيث المتابعة والنشاط الثوري الصادق، قسما بالله الكيزان والاسلاميين والناس الكانوا مناصرين للانقاذ، والاتسبب ذو النون في ضمهم للشوارع وصف الثورة أو تحييدهم، لو قعدوا ناس عااك وعيييك في المنبر ده يضرطوا مية سنة ما كانوا زحوهم من قدامهم ولا قوموا ثويرة. اسه اولاد المسؤولين والكيزان والمدللين ديل قايلهم بطلعوا الشارع حبا في المعارضة البقودوها الشيوعيين والختمية والانصار وناس حسن طرحة ديل طلعوا لأنهم شافوا زو النون وأمثاله رفضوا واقعهم وطلعوا من نفس الصف الكانوا فيه، وشافوا الشباب المتحمس زي اولاد الضي بواجهوا السلطة وبطشها في الوقت الكان بتتساقط المعارضة في أحضان النظام زرافات ووحدانا.