|
® الجنة و نعيما ، و بي لبن طيورا في مزاد علني £ (Re: دفع الله ود الأصيل)
|
(10) @ الجنة و نعيما ، و بي لبن طيورا في مزاد علني @ سكتش (10) 1,2,3, ستوب ، آكشن @ الجنة و نعيما ، و بي لبن طيورا في مزاد علني @ [يلا علينا جااااااي، الهوبللي. و البختانا ، تاتي ما بلقانا!! #هكذا وقف واحد دجال في نص ميدان جاكسون ماسك جرس الدلالة و يلعلع في المارة: يلا ، عندنا فلل ديلوكس جاهزة (تسليم مفتاخ)، على كطع واطة نواصي سنقل في 3 شوارع في مجمعات الرواد و سارية (الفردوس الأعلى). بمليون دولار بس. ألحق ي زول سوقنا حار حار و العرض محدود. ما تفوتو فرصة العمرين ، والحظ لا يبتسم إلا كشمة واحدة!! # طبعن ، هُرِعَ إليه ، ليتحلقوا حوله جمهرة من الغشماء، ذوي الجيوب المقرشة و البطون المكرشة؛ أولاد المصارين البيض؛ ركاب البرادو المو خمج؛ و سكان البرج العاجي شرق عفراء و خط عبيد ختم و جامع سنهوري بي غادي. #النوع داك البفسحو ليهم البقر ، و كدايسم بتاخد حمام مغربي يوم و التاني. مصدقين و جاهزين يشتروا ( لبن طيور الجنة) في الدلالة.
# قال إيه: دايرين من هسي يضمنو راحة البال في الآخرة؛ عشان ينبجقوا باقي عمرم في الدنيا الزايلة دي يسوو السبعة و ذمتا. فكولهم دفعوا و بدأو في استلام شهادات البحث. # يقوم يتسلط راجل حكيم؛ النوع المدردح داك و مشرقط من السما سبع مرات بسنونو. طبعن، من ناس خط أمبدة كرور - سوق ليبيا - قندهار و ظار السلام ، و لالعكس. #ترجل أخو البنات من الهايس و مشى بوشو على صاحبنا الدجال ، مقرر يكسر ليه الدوش في يدو؛ و يخلي خشمو ملح ملح!! - اسمع اللخو ، تحين ماكم عارضين نار جهنم و ساءت مصيرا ؟! - طلبك موجود اللخو . استنى بس دورك لمن نخلس. علا لاكين دي برماد وشها البدورا منو؟! - أنا بدورا ، إت بس بتبيع؟ - يا زول دا كلامك، و الله كنا ما لاقيين لها زبون؛ و لامن مختشيين زاتو من عرضها. علا كان كدي بنديك ربع مساحتا يجقلب فيها الحصان، بألف بس، كمان بالمحلي و بالقديم. - طيب أقول ليك قولة ، ما تجاملنا باخ تفكها لينا كولها ششنة كدا بالأربعومية، أها قلت شنو؟! - يا زول قلنا مبروك ، و حلالك و يلا نسجل ليك طوالي!!
#أول ما قبض شهادة بحثو، زولنا قام يكورك في الناس. يا أخوانا هوي، الحاضر يحدس الغايب. و الأعمي يشيل المكسر. هدا نحن أشترينا جهنم بكول أقساما ناس/ عذاب سعير و بئس المصير،و لظى و سقر ، و حتى الدرك الأسفل من النار . و من هسي جهزتا طبلنا سوكرتية ح نشمعا. ما نخلي أي بني آدم و لا فرد زووووولن واحد يدخلا مافي.
#بعد داك ، قبل على ذاك المشعوذ الدجال و قاللو: و أنت ياخينا ، خلاس لملم عددك ، و قفل مزادك ، خلي المولد دا يتفرتق،د؛ و كل زول يطلع جبلو. انتهى العرض ، أها إيش رأيكم ؟! بالله العجبو، ما دايربن 5 نجوم. بس ينقط لينا شلن في الطاقية التحت ديك،،،، و دمتم، دمتم، دمتم سالمين،،،،،، ٪٪٪٪٪٪٪(((andandand)))٪٪٪٪٪٪٪٪٪ لگأن الزمان يستدير اليوم ، ليتراجع بنا القهقرى إلى أيام طغيان الكنيسة.على غرار نخاسة الاتجار بين بصكوك الغفران و التي گان يمارسها القساوية و الگرادلة و البطاريق في أوساط الرجرجة و الدهماء من النصارى . لعلك تكون قرأت أو سمعت عمن كانوا لدينا ، يبيعون أشجار غابة الجزيرة أبا لأنصارهم الأشاوث،على أنها مراتع في رياض الجنة (تسليم مفتاح). ¶ ثم ليه نروح بعيد ياخ، و دونك هؤلاء الدواعش، و ما يعيثون من فساد في مشارق الأرض و مغاربها ، و باسم الدين ، و الذي وقع ضحية للأسف ، في مطب رمادي حرج ،لا يحسد عليه، بين (خنجر إرهابي) و (صومعة) رهباني. و عاد ربك غايتو يجيبو قوي ،،،،
فَمَنْزِلِيَ الفَضَاءً و سًقْفُ بًيْتِي** سَمَاءُ الله أو كٌتًلُ السَّحَابِ فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
|
|
|
|
|
|
|
العنوان |
الكاتب |
Date |
® مسرح في الهمبريب الطلق £ | دفع الله ود الأصيل | 02-26-19, 12:33 PM |
Re: ® مسرح في الهمبريب الطلق £ | دفع الله ود الأصيل | 02-26-19, 08:25 PM |
Re: ® مسرح في الهمبريب الطلق £ | دفع الله ود الأصيل | 02-27-19, 07:01 AM |
Re: ® مسرح في الهمبريب اطلق £ | دفع الله ود الأصيل | 02-28-19, 09:06 PM |
Re: ® مسرح في الهمبريب اطلق £ | دفع الله ود الأصيل | 02-28-19, 09:06 PM |
Re: ® مسرح في الهمبريب اطلق £ | دفع الله ود الأصيل | 03-03-19, 11:57 AM |
Re: ® مسرح في الهمبريب اطلق £ | دفع الله ود الأصيل | 03-05-19, 07:10 AM |
Re: ® مسرح في الهمبريب اطلق £ | دفع الله ود الأصيل | 03-09-19, 01:24 PM |
Re: ® مسرح في الهمبريب اطلق £ | دفع الله ود الأصيل | 03-10-19, 07:05 AM |
Re: ® مسرح في الهمبريب اطلق £ | دفع الله ود الأصيل | 03-12-19, 12:10 PM |
Re: ® مسرح في الهمبريب اطلق £ | دفع الله ود الأصيل | 04-04-19, 06:05 AM |
Re: ® مسرح في الهمبريب اطلق £ | دفع الله ود الأصيل | 04-04-19, 06:22 AM |
Re: ® مسرح في الهمبريب اطلق £ | دفع الله ود الأصيل | 04-04-19, 06:48 AM |
Re: ® مسرح في الهمبريب الطلق £ | دفع الله ود الأصيل | 04-10-19, 07:57 AM |
Re: ® مسرح في الهمبريب الطلق £ | دفع الله ود الأصيل | 04-10-19, 08:32 AM |
Re: ® مسرح في الهمبريب الطلق £ | دفع الله ود الأصيل | 04-10-19, 08:48 AM |
Re: ® مسرح في الهمبريب الطلق £ | دفع الله ود الأصيل | 04-10-19, 09:37 AM |
Re: ® مسرح في الهمبريب الطلق £ | دفع الله ود الأصيل | 04-10-19, 09:53 AM |
Re: ® خدعة لأي گلب £ | دفع الله ود الأصيل | 04-16-19, 09:53 PM |
Re: ® خدعة لأي گلب £ | دفع الله ود الأصيل | 05-01-19, 09:46 AM |
Re: ® خدعة لأي گلب £ | دفع الله ود الأصيل | 05-01-19, 09:54 AM |
® الجنة و نعيما ، و بي لبن طيورا في مزاد علني £ | دفع الله ود الأصيل | 05-14-19, 12:27 PM |
Re: ® الجنة و نعيما ، و بي لبن طيورا في مزاد ع� | دفع الله ود الأصيل | 05-19-19, 12:07 PM |
Re: ® الجنة و نعيما ، و بي لبن طيورا في مزاد ع� | دفع الله ود الأصيل | 05-22-19, 08:55 AM |
Re: ® \\مسرحية: تيس سيدي الحسن ود حسونة .� | دفع الله ود الأصيل | 05-30-19, 12:36 PM |
Re: ® \\مسرحية: تيس سيدي الحسن ود حسونة .� | دفع الله ود الأصيل | 06-17-19, 11:18 AM |
Re: ® \\مسرحية: تيس سيدي الحسن ود حسونة .� | دفع الله ود الأصيل | 06-21-19, 09:16 AM |
Re: ® \\مسرحية: تيس سيدي الحسن ود حسونة .� | دفع الله ود الأصيل | 06-21-19, 01:09 PM |
Re: ® \\مسرحية: تيس سيدي الحسن ود حسونة .� | دفع الله ود الأصيل | 06-21-19, 06:07 PM |
Re: ® \\مسرحية: تيس سيدي الحسن ود حسونة .� | دفع الله ود الأصيل | 06-22-19, 01:07 PM |
Re: ® \\مسرحية: تيس سيدي الحسن ود حسونة .� | دفع الله ود الأصيل | 06-23-19, 07:27 AM |
Re: ® دُرَرُ الكَلام� | دفع الله ود الأصيل | 06-25-19, 06:56 AM |
(مشهد صامت على خشبة مسرح للعرائس) | دفع الله ود الأصيل | 07-01-19, 07:49 AM |
Re: (مافي ذوق) | دفع الله ود الأصيل | 07-08-19, 09:27 AM |
Re: (مافي ذوق) | دفع الله ود الأصيل | 07-23-19, 08:42 AM |
Re: (مافي ذوق) | دفع الله ود الأصيل | 08-26-19, 06:31 AM |
Re: ( تصفية حساب مع واحد عديم ذوق) | دفع الله ود الأصيل | 08-26-19, 06:51 AM |
Re: ( تصفية حساب مع واحد عديم ذوق) | دفع الله ود الأصيل | 08-29-19, 12:30 PM |
Re: ( تصفية حساب مع واحد عديم ذوق) | دفع الله ود الأصيل | 09-14-19, 05:17 PM |
Re: ( ∆ العصيان .. بالنظر√) | دفع الله ود الأصيل | 09-16-19, 12:28 PM |
Re: ( ∆ العصيان .. بالنظر√) | دفع الله ود الأصيل | 10-08-19, 10:55 AM |
( ∆ درامِياتُ أعمَىً و كسيحٍ ، يَحْمِلُه أصَمُّ أبْكَمُ√) | دفع الله ود الأصيل | 10-08-19, 10:59 AM |
|
تعليقات قراء سودانيزاونلاين دوت كم على هذا الموضوع:
at FaceBook
|
|