مِنْ حَرِّ الْبَلِيْلَةِ مَا يُضْحِكُ حَتَى يُجْهِشَكَ البُكَاءُ

(60)
🍅حكمة و الله و حكاية!..لكن ما تفوِّتا.. لو قاومت الضحك بتنفقع👇🏻
ﺻﺪﻳﻘﻲ ﺳﻤﻴﺮ ﻟﻢ ﺗﺘﺨﻞ ﻋﻨﻪ ﻭﺳﺎﻣﺘﻪ ﻭ لا يزال ليلُه طفلاً يحبو على أهداب
عقده الخامس ﻭ ﻷﺳﺒﺎﺏٍ ﻟﻢ ﻳﻔﺼﺢ ﻋﻨﻬﺎ ﻟﻢ ﻳُﻘﺪِﻡ بعدُ ﻋﻠﻰ إكمال نصفه الحلو ؛
ﺭﻏﻢ ﺃﻧﻪ يبدي رغبةً جموحاً ﻓﻲ ﺫﻟﻚ . ﺯﺭﺗﻪ ﺍﻷﺳﺒﻮﻉ ﺍﻟﻤﺎﺿﻲ ﻓﻲ ﻣﻜﺘﺒﻪ ﺍلفخيم
و الكائن بإﺣﺪﻯ منظماﺕ ﺍﻟﺪﻭﻟﻴﺔ فلفتني وجه ﺇﺣﺪﻯ ﺍﻟﺴﻤﺮﺍﻭﺍﺕ،ﺗﺤﻮﻡ ﺣﻮﻝ ﺍﻟﺤﻤﻰ
ترمي في الشوق بقوامها الممشوق. مازحتُه : دي قنبلة موقوتة على جانب الطريق؟!
ﻗﺎﻝ ﻟﻲ ﻣﺒﺘﺴﻤﺎً : ﺇﻧﻬﺎ الآنسة تهاني ، ﺗﻌﻤﻞ ﻣﻌﻨﺎ ﻓﻲ ﻣﺠﺎﻝ ﺍﻟﺘﺮﺟﻤﺔ ﺍﻟﻔﻮﺭﻳﺔ ﻓﻬﻲ ﺗﺠﻴﺪ ﺍﻹﻧﺠﻠﻴﺰﻳﺔ ﻭ ﺍﻟﻔﺮﻧﺴﻴﺔ ﻭ ﺍﻟﺼﻴﻨﻴﺔ بطلاقةٍ . ﺳﺄﻟﺘﻪ : ﻣﺘﺰﻭﺟﺔ؟ .. ﻻ ﺃﺑﺪﺍً ﻭ ﻻ ﻣﺨﻄﻮﺑﺔ ﺣﺘﻰ
ﻭ ﺭﻓﻀﺖ ﻧﺎﺱ ﻛوتاﺭ ..ﻃﻴﺐ ﻳﺎ ﻋﻮﻳﺮ ﻣﺎ ﺗﻔﻚ ﺑﻴﻬﺎ ﺑﻮﺭﺗﻚ ﺩﻱ .!.. ﺍﺑﺘﺴﻢ ﻭ ﻗﺎﻝ ﻟﻲ : ﺗﻌﺮﻑ ﻳﺎ
حبوب، دا المجنني و شاغل بالي .. ﺍﻧﺘﻬﺖ ﺍﻟﺰﻳﺎﺭﺓ ﻓﻮﺩﻋﺘﻪ داعياً عليه بدخول القفص زينا.

♤ﺻاحبﻲ ﺳﻤﻴﺮ ﺭاﺟﻞ ﻣﺜﻘﻒ ﻭ ﻣﻬﺬﺏ ﻭ ﻧﺎﺟﺢ ﻭ ﺻﺎﺣﺐ ﻭﻇﻴﻔﺔ ﻣﺮﻣﻮﻗﺔ ﻻ ﻳﻌﻴﺒﻪ شيء
و لا شيةَ فيه ﺳﻮﻯ ‏(ﺳﻒ ﺍﻟﺘﻤﺒﺎﻙ). ﻫﺎﺗﻔﻨﻲ ﺑﻌﺪﻫﺎ ﻭ ﺑﻌﺪ ﺍﻟﺘﺤﻴﺔ ﺳﺄﻟﺘﻪ متشمشراً : ﺃﻫﺎ بَشِّر ﻣﻮﺿﻮﻉ تهاني ﻋﻤﻠﺘﺎ لينا ﻓﻴﻬﻮ ﺷﻨﻮ؟ ﺭﺩ ﻋﻠﻲ ﺿﺎﺣﻜﺎً : ﻻ ﻻ ﺍﻟﻤﻮﺿﻮﻉ ﺩﻩ ﺃﻧﺎ جليتو. ﺍﻟﺴﺒﺐ ﺷﻨﻮ يا خملة؟ .. ﺍلصعوط ﻳﺎ حبيب .. ﻳﺎ ﺧﻲ ﺃﻧﺎ ﻣﺎ ﻗﺘﺎ ﻟﻴﻚ ﺳﺘﻴﻦ ﻣﺮﺓ ﺧﻠﻲ ﺍلعفن ﺩﻩ ياخي الجداد الالكتروني عافو؟.. ﺇﺭﺗﻔﻌﺖ ﻭﺗﻴﺮﺓ ﺿﺤﻜاته ﻭ ﻫﻮ ﻳﻘﻮﻝ ﻟﻲ : ﺗﻌﺮﻑ ﻳﺎ ﺃﺳﻌﺪ زول ، ﺃﻧﺎ ﻓﻲ ﻏﺎﻳﺔ ﺍﻟﺤﺮﺹ ﺩﺍﺋﻤﺎً ﻗﺎﻋﺪ ﺃﺩﺱ ﻛﻴﺲ ﺍلزفت دا ﻭ ﻟﻤﺎ أﺷﻌﺮ ﺑﻰ تهاني ﺩﺍﺧلة على ﻣﻜﺘﺒﻲ طوالي ﻗﺎﻋﺪ تمسكني أم هلَّا هلَّا و ﺃﻏﻄﺲ ﺣﺠﺮﻭ . ﺑﺲ ﻳﻮمتا دي ﺩﻗﺴﺘﺎ ﻭ ﻧﺴﻴﺖ ﺍﻟﻜﻴﺲ ﻓﻲ ﻣﻜﺘﺒﻲ ﻓﻲ ﻣﻜﺎﻥ ﻇﺎﻫﺮ ﺟﻨﺐ ﺍﻟﻜﻤﺒﻴﻮﺗﺮ ﻓﺪﺧﻠﺖ تهاني ﻓﺠﺄﺓ ﻭ لمحتو ﻭ ﻗﺎﻟﺖ ﻟﻲ : ﺇﻧﺘﺎ ﻗﺎﻋﺪ ﺗﺴﻒ ﻳﺎ ﺳﻤﻴﺮ؟ؤلا لقيت اتلعثم و ﺃﻓﻜﺮ ﻓﻲ ﻣﻦ ﺃﻟﺼﻖ ﺑﻪ ﻫﺬﻩ ﺍﻟﺘﻬﻤﺔ الشنعاء ﻓﻜﺮﺕ ﻓﻲ ﺯﻣﻴﻠﻨﺎ ﺇﺳﻤﺎﻋﻴﻞ(أصلو تعيس و متلش كدا و معاه كل المعطيات بس ما قادر يبرهن)فحاولت أﺩﻋﻲ ﺑﺄنو ﺍلمضبطات ديى بتاعتو ﻭ ﻧﺴﺎﻫا ﻫﻨﺎ ﻟﻜﻦ تهاني ﻟﻢ ﺗﻤﻨﺤﻨﻲ أية فرﺻﺔ لأمارس رياضة نط الحبل و اللَّف و الدوران ﻭ سرعان ما ﺃﻣﺴﻜﺖ ﺑﺎﻟﻜﻴﺲ شدتو من أضيناتو ﻭ ﻛﻢ ﻛﺎﻧﺖ ﺩﻫﺸﺘﻲ ﻛﺒﻴﺮﺓ ﻋﻨﺪﻣﺎ ﺃﺩﺧﻠﺖ ﻓﻴﻪ ﺃﻧﺎﻣﻠﻬﺎ ﺍﻟﺮﻗﻴﻘﺔ ﻭ‏( ﻇﺒطﺖ ﻟﻴﻬﺎ ﺳﻔﺔ دُقار بطاح سكس ويل ‏) دنكلتا ليك و ختتا لترتاح ﺗﺤﺖ ﺷﻔﺘﻬﺎ ﺍﻟﻌﻠﻴﺎ ﻭ ﺃﺧﺮﺟﺖ ﻣﺮﺁﺗﻬﺎ ﻣﻦ ﺣﻘﻴﺒﻬﺎ
ﻭ ﻫﻲ تتحسس ﻣﻜﺎﻥ ﺍﻟﺴﻔﺔ ﺣﺘﻰ ﻻ ﺗﺒﺪﻭ ﻇﺎﻫﺮﺓ ﻟﻠﻌﻴﺎﻥ ﺛﻢ ﻗﺎﻟﺖ ﻟﻲ ﺑﺈﻧﺠﻠﻴﺰﻳﺘﻬﺎ ﺍﻟﺮﺻﻴﻨﺔ اادلمحببة لأذني👈:دا ود عماري الجيد من عمك السنجك بتاع بحري..يا زول دا ﻻ ﻳﻘﺎﻭﻡ🤣😂😂!