مِنْ حَرِّ الْبَلِيْلَةِ مَا يُضْحِكُ حَتَى يُجْهِشَكَ البُكَاءُ

{89}
● ركبت مواصلات الشهداء بعدما اتحركت الحافلة
شعرت بي حركة يد خفية في جيبي 😏 عاينت بي
طرف عيني لقيت ليك صاحبنا بشد في الجيب بكل ما
أوتيَ من قوةٍ و من رباط الخيل..ويستعدل في الموس😳
داير يقد الجيب و يسهل الموبايل يهمبتو.أنا اتنحنخت
نِحنييتين و قلت ليهو بإشارةٍ ذكيةٍ :جيب أضانك جاي🐵
كان الراجل لمَّاح و فعلن مال ناحيتي بكل أدبٍ و همست ليه
قلت ليهو: يا ابن العم؛ جلابيتي دي عبد الواحد ما تبوظا لي
لكت خليني النسلِّك الشريحة بالراحة واديك التلفون حلالك🎴
و فعلن طلعت الموبايل ربيكا قديم ماعنده غطاء مربوط بلستكة🙉
صاحبي ضحك ضحك لما غطي وشوودموعه سالن من الضحك🙈
لما نزلت الشهداء نزل و بقي ماشي وراي دنقرت شلت لي طوبة. قام
قال لي يا أبو الشباب عليك أمان الله ماحاهبشك لكن انت كيفتني 🤣
و عمري ماحصل موقف زي ده وحرَّم إلا تمشي تفطر معاي أنا عازمك
اول شيء لاوزت منو.. لكن كرر الأمان قلت يازول أتوكل اتوكلت مشينا
علي محل فول قال لي فول شنو ياعمك تعال جاي
دخلنا مطعم قال ليه واحد شية وواحد كبدة وسمك
و أم فتفت . أنا كنت خايف يتملص يخليني أتوكر
بالحساب لكن قام قدامي دفع الحساب وجاب اتنين
بارد وطلعنا مشينا علي ست شاي قال لي قهوة ولا
شاي طلبت قهوة حلف مايخليني ادفع و اتونس
معاي وحكى الظروف الخلته يزاول المهنة دي
حتي ادمنها و أداني رقم تلفونو و مشي معاي
مكان موبيلات اشتري لي كفر جديد وبطارية
كرت وشاحن .وبعد دا قال لي ماشي وين
قلت ليه العربي وصلني و دفع للكمساري
وودعني بحرارة و هو يعاين لي ويضحك😄
و عينينا اللتنين تفيضان من الدمع🤣*
إذا كان دا حرامى سودانى أصلى😂*
فأمة محمد لا تزال بخيرٍ و زيادة 😂*
😁✌