|
|
 Re: مبروك..مسلحو المنبر والحركات..ومن عاونهم ..سلااااااااام..نجيكم؟ (Re: محمدين ايدام)
|
وآخر الأخبار من أبوجا ..تعكس مدى العواصف القادمة ..فعبد الواحد خلاص بقى حكومة حكومة..وريحتو كدة وزير للتربية والتعليم بدارفور ..الإقليم الواحد والمستوى التانى طوالى بنص الإتفاق بعد السلطة المركزية ..وزير درجة تانية ؟.. يا خوانا الكلام البفقع المرارة ده حقو نخليهو..يعنى ربيكا لما عملوها وزيرة صحة ..شفت براكم عملت شنو ..سفرة واحدة تلبية لدعوة عقيلة الرئيس الأمريكى ..سااااى كدة بس قعدة نسوان وانتوا عارفين قعدة النسوان فيها شنو..ربيكا تصريح واحد اقامت به الدنيا ولم تقعدها ..وناس قالوا انفصالية وناس قالوا الشغلة تلميع .. عشان كدة عبد الواحد دة مفروض الحكومة ما تستهونوا ..يعنى صحى الترشيحات وزير ولائى لكن الزول ده عندو حاجة فى رأسو واحسن من منى اركوى كتير لأن الأخير شبه أمى ..!
لكن المشكلة فى شنو ..منى اركوى دماغو ناشفة ..وزول شفت يعنى ..زول مفتح .. عارف كلام يسلم الراية والرضى بالمقسوم ..من البداية كدة ..كومو ببقى قدر هدومو .. انتو مسئولين من الخير ..منى دة بدلتو مالا ما منسجمة معاه (والكرفتة ما عارف لونا كيف كيف).. المهم حكاية شيء خير من لاشىء..يعنى وزير اقليمى دى الله اعلم ..منى ده ..ما برضى بيها اكان شنو داك ..لكن فى ناس بتقول الحكومة ذاتها بعجبها الزول التقيل ..موش الخفيف زى عبد الواحد..
عشان كدة منى مرشح لمنصب رفيع فى القصر الجمهورى ..هو شنو .. ما عارفو ..اعدم وليداتى!
واما خليل ابراهيم ..
فأمام هذا الخليل فرصة ذهبية لان يصبح نائب الرئيس عن دارفور.. بى أمانة..الظاهر انو القصة ماشة على رئيس وخمسة نواب (وللا الراى شنو) ..غايتو خليل اذا بقى نائب رئيس الحكاية يادوب ما اتفرتقت ولهلبت وولعت ..والله تعدم البطفيها..لأنو فى ناس كدة منطقم الوحيد " الناس ديل اهسن مننا فى شنو"..
المهم هذه الكلمات كانت دردشة بين اتنين قعدو قبل شوية قدامى ..جمعتها كدة بتصرف.. واحد فيهم..حلف بدينو انو ناس الحركة قالوا ليه تجى نديك قطاع كامل ..وعمكم دقس ..واسى شكلوا كدة ندمان جنس ندم.. يعنى اسى الواحد كان يحشش بيهو ..اقول عندو صاحبو فى القصر الجمهورى ماش ازوروا ..وللا تقول فلان - اى فلان حاف كدة- ضرب وقال لى تجى عايزك فى موضوع مهم ..وهو لا ضرب ليك ولا حاجة ..وهمة ساكت ..يعنى القصة موش تحشيش جد..وششحة..!
آها انا بكلمكن ومخيرين ..وانتو رايكم هو رايكم..
كل الجماعة الهنا ديل مسلحى المنبر يعنى ..ناس (.............) كلهم كورال واحد ..شغالين بس عشان فى النهاية للوهمة دى ..ما مصدقين ..شوفوا براكم بعد ما ناس منى وخليل وعبد الواحد يجو للخرتوم..ويجو ناس الميدان فى القيادة العامة ..ويجو ناس اللجان الثورية امشو الخارجية والأمن..تشوفو براكم كان ما تجيكم بوستات ..
فى جلسة انس .. المستشار اركوى ..
فى غدوة محترمة ..خالية من انفلونز الطيور..نائب الرئيس خليل
وفى ..وفى .وفى ..الخ
وفى المفاوضات مؤكد عبد الواحد سلم خلاص..
ومنى يقال راكب رأسو.. وقالو له اضرب الحيطة دى
وأما خليل راقد فوق رأى..الود دة حتة نائب رئيس
يحلها الشربكة..!
بالمناسبة كمان الأمم المتحدة بتضغط..
والحكومة جاهزة للتوقيع..
والإتحاد الإفريقى قال "قيم آب"..
.
.
آآآآآآآدوووووووما
|
|
 
|
|
|
|
|
| العنوان |
الكاتب |
Date |
| مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 04-28-06, 08:54 AM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 04-28-06, 09:15 AM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 04-28-06, 10:17 AM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 04-28-06, 12:47 PM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | Mohamed E. Seliaman | 04-28-06, 01:10 PM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | معتز تروتسكى | 04-28-06, 01:47 PM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 04-28-06, 01:42 PM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 04-29-06, 01:57 AM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 04-29-06, 03:20 AM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | قرشـــو | 04-29-06, 04:09 AM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 04-29-06, 05:24 AM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 04-29-06, 06:16 AM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 04-29-06, 09:35 AM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | بكري اسماعيل | 04-30-06, 03:15 AM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 04-30-06, 05:57 AM |
| Re: مبروك..مسلحو المنبر والحركات..ومن عاونهم ..سلااااااااام..نجيكم؟ | محمدين ايدام | 05-01-06, 05:28 AM |
|
| |
محمدين ايدام
فيس بوك
تويتر
انستقرام
يوتيوب
بنتيريست