|
Re: نطالب بمحاكمة الترابي .. كما تمت محاكمة محمود محمد طه (Re: المكاشفي الخضر الطاهر)
|
Quote: نطالب بمحاكمة الترابي .. كما تمت محاكمة محمود محمد طه |
الاخ المكاشفى سلام
اولا لا للمحاكمة من اجل حرية المعتقد كمبدأ.
الامر لا يتطلب ولا ينبقى عليه ان يذهب للمحكة "القضاء" لاسباب تتعلق بالقضاء وبعضها يتعلق بالامر نفسه. القضاء فى الدول الاسلامية(ان جاز القول)، كان سودانيا، سعوديا، او حتى طالبانيا غير مؤهل لتداول قضايا لا يملكون العلم والمعرفة لكى يصدروا حكما تكفيريا او حتى تطبيق حد الردة كما حدث فى محاكمة الاستاذ. الامر ده يا اخ المكاشفى مكانه الوحيد ان يعرض لعلماء وفقهاء الامة الاسلامية "للنقاش" عشان يصدرو فيهو راى.. وبعدين يا بقى كلام الترابى صاح و فى علماء ايدوه ولا بقى تصريح خاص بالترابى وليهو الحق " الديمقراطى " فى ايمانه بيهو.
محاكمة الاستاذ كانت جريمة فظيعة من جرائم القضاء الغير مؤهل وبيفتى فى امور تفوق قدرات القضاء العلمية وصلاحياته التنفيذية. المهم محاكمة الاستاذ ما تبقى مبرر لارتكاب نفس الاخطاء، بالرغم من ان الترابى هو من ساق الاستاذ للمشنقة.
اعتنق ما تؤمن بانه صاح ولكن لاتفرضه على الغير... وده المحك الحقيقى للترابى... الترابى لما كان فى السلطة طبق بدع من عنده مثلا عرس الشهيد، "ذهاب المراة للجهاد بدون محرم" الناس ما مختلفة مع الترابى عشان بيؤمن بالحاجات دى، الناس مختلفة معاهو عشان هو بيفرضها على غيرو بحكم وجودو فى سدة الحكم. اليوم الترابى ما فى سلطة فى يدو خليهو يؤمن بما يريد.
افتكر الموضوع بحتاج لعقل اكثر من الانفعالات والتصريحات الغير مبنية على فكر يدحض كلام الترابى.
الناس لو عاوزةتحاكم الترابى عندو جرائم كتيرة وواضحة للكل، ولكن لا لمحاكمةالترابى بقتل الاستاذ مرة تانية.
|
|
|
|
|
|
|
|
|