|
|
 Re: منظمة حقوقية مصرية تطالب بفريق دولي لتقصي الحقائق (Re: قاسم المهداوى)
|
شهادة 11: رحلة مع الأموات
1/2006
إيهاب يحكي:
كانوا بيدقوا أى شئ على الأرض بيتحرك. بيدقوه. ستات أو أطفال مش مهم. لم نأخذ أى فرصة للتفاوض. رش المياة أبتدأ بعد وقت قصير من بداية الإنذار. طلبنا نعرف أحنا رايحين فين. طلبنا شخص من المفوضية. على طول أبتدا الهجوم والضرب من جميع الاتجاهات. المساحة اللى أحنا واقفين عليها كانت مزدحمة جداً وهم ضغطوا علينا وهجموا من جميع الجهات. الأطفال كانوا فى الأرض. حاولنا نرفعهم يضربوا فينا أحنا والأطفال. اللى مات منا مات. واللى إنصاب أو تعب يجروه على الاوتوبيس ويفضل ينضرب لغاية ما يوصل. ضربونى فى عينى والدم نزل من أنفى. كل ما أحاول أمسك طفل يضربوه. الطفل انضرب وأنا ماسكه بيده عشان كدة اصابعى أنكسرت.
أنا وقعت فى الأرض وكنت ماسك طفل وكنت زى الميت. جرونى زى الكلب. لما فقت كانت يدي مربوطة. ضربونى بعصاية كهرباء. رحت فى غيبوبة. فقت أتلفت يمين وشمال لقيت ناس بتتكلم. فتحت عينى ماكنتش شايف كويس. عينى كان عليها دم. لقيت ناس من جماعتنا ميتين. لقيت نفسى فى المشرحة أنا والميتين سواء. رفعت راسى. ماقدرتش. كان فيه أثنين دكاترة وبيقولوا دولا ناس ميتين. سالوا تعملوا ايه فيه واحد صاحي. واحد قال: موته. وفيه واحد جاب حاجة زى الحقنة عشان يعطيها لي. دخل سودانى زائر راح الدكتور شال الحقنة وأخذ جنب. اشرت للسودانى بيدى. جه. قلت له اسندنى على الحائط. لما وقفت شفت أطفال وحريم ورجال ميتين حواليا. السودانى بكا وطلع.
خدونى رقدونى فى الصالة، بعدين حطوني على نقالة وطلعونى. العنبر كان فيه ضباط وحرس. سجلوا أسماءنا. كان فيه خمس أطفال. أثنين ملفوفين بالبطانية والباقيين شايلينهم على الكتف. مجرد ما شفتهم قمت. رغم الألم رفعتهم وحطيتهم على سرير. كانوا بين الحياة والموت. سنهم كان من حوالى سنة ونصف إلى أربع سنين.
قلبى أكلنى. قلت يا جماعة أحنا قاعدين نعمل إيه. ما فيه علاج وعاوزين يعطونا حقن يموتونا. قلت يا ناس لو جاء الأكل ما فى حد يأكل. وفعلا رفضنا الأكل. طلعت أشوف العنبر الثانى لقيت فيه جرحى كتير وأكثر من عشرين طفل. لقينا أب طفله مات وهو نفسه بين الحياة والموت. قلت لهم خرجونا ما عاوزين نقعد. طلعونا من العنبر وركبنا أتوبيس ورحنا القسم. بعدين عرفت أنه الدقى. سجلنا الأطفال بأسمائنا (أخذنا الخمس أطفال معنا). الزنزانة كانت ضيقة. كنا عشرين مش عارفين نقعد وأحنا شايلين الأطفال. كلنا متعورين. كلبشونا كل أربعة مع بعض وكان فيه حريم. روحنا معسكر بعيد بعد 6 أكتوبر. جم نزلونا وقسمونا وسجلونا فى المعسكر. كانت الساعة 4.30. عاملونا بقسوة زى مجرمى الحرب. حتى الحمام رحنا بالحرس. جابو أكل لكن تركونا بدون علاج.
نزلونا فى الشوارع. كل عشرة كيلو خمس أفراد مجروحين وعريانين وحافيين ومن غير فلوس. كل واحد نازل يضربوه وهو نازل. وأخذنا السكة مشي.
قعدت فى مستشفى سنابل ثلاث أيام بدون علاج. كنت مضروب. جسمى كله بيوجعنى. عينى ورجلى متعورة وأصابع يدى الوسطانين مكسرين ومتعورين. قعدت خمس أيام مش عارف أنام من ضيق النفس وألم الصدر. ثلاث أيام من غير علاج وفى اليوم الثالث أتخنقت وجيت أخرج من المستشفى جابولى دكتور من كاريتاس وعمل أشعة على يدى وجبسها، إشاعة صدرى سليمة. بس الظاهر فى تمزق فى العضلات.
شهادة 10: لقيتهم في درج 9 و12!
1/2006
يوم الخميس 5 يناير كنت في محطة مترو جمال عبد الناصر.. الشرطة سألتني انت رايح فين، ونزلوا في ضرب. قلت لهم يا جماعة أن عيان. أنا مش قاعد في النجيلة. وقعت على الأرض. حاولت أطلع الأوراق. الضابط شاف أوراق العلاج من مستشفى للجراحة والتجميل.. قال خلاص امشي!
رجعت البيت ونمت.
يوم الجمعه اتصل بي واحد من سجن على طريق مصر اسكندرية.. كلمني على التليفون.. قال لي انت فين. حكيت له. قال أنا في السجن وفي حالة صعبة. قال لي ان فيه اتنين من الأطفال ماتوا في العربية. قال لي بطارية الموبايل هتنتهي وأنا مش عارف هو فين دلوقتي.
سألته عن فلان وفلانة. قال لي الناس دي ماتت فوق النجيلة وأنا شفته.. لو تقدر تروح المشرحة شوفهم. أخدت التاكسي يوم الأحد ورحت مشرحة زينهم.. كانت الساعة 3 ظهرا.. قابلت نقيب .. قلت له عندي راجل في المشرحة كان مات فوق النجيلة.. دخلت المشرحة ومعي زوجة مانجوين كورو.. كان معه ورقة عليها اسم منى. وجر الدرج وأنا شفت الدرج وتأكدت. الجثة كانت مشروط من الصدر (التشريح في المستشفى) درج رقم 9 في الورقة مع الضابط لقيت مكتوب اسم الشهرة بتاع مانجوين وهو أمكو وتعرفنا على الجثة في الدرج رقم (12). شفت طفلة راسها مفتوحة وسيدة مضروبة في الوجه وفكها مكسور وفروة راسها مقلوبة للأمام.
قالوا لو عاوز تاخد الجثة تروح نيابة الدقي وتكتب طلب، بعدين تودي الطلب للمشرحة. رجعنا البيت. زوجته لسه بتعيط وفي أطفال في البيت. حاجة صعب جدا.
ملحوظة: الأسماء الواردة في الشهادات غير صحيحة ولن نلعن عن الأسماء الصحيحة إلا يوم أن يفتح التحقيق الجدي في مذبحة ميدان مصطفى محمود.
|
|
 
|
|
|
|
|
| العنوان |
الكاتب |
Date |
| دمانا ليست رخيصه ولن ننسى شهدا مصطفى محمود يوجد صور فيديوا وشهادات مكتوبه | amir jabir | 04-08-06, 04:05 PM |
| Re: دمانا ليست رخيصه ولن ننسى شهدا مصطفى محمود يوجد صور فيديوا وشهادات مكتوبه | الواثق تاج السر عبدالله | 04-11-06, 09:09 AM |
| Re: دمانا ليست رخيصه ولن ننسى شهدا مصطفى محمود يوجد صور فيديوا وشهادات مكتوبه | amir jabir | 04-11-06, 09:36 AM |
| Re: دمانا ليست رخيصه ولن ننسى شهدا مصطفى محمود يوجد صور فيديوا وشهادات مكتوبه | amir jabir | 04-11-06, 11:10 AM |
| Re: دمانا ليست رخيصه ولن ننسى شهدا مصطفى محمود يوجد صور فيديوا وشهادات مكتوبه | amir jabir | 04-11-06, 12:18 PM |
| Re: دمانا ليست رخيصه ولن ننسى شهدا مصطفى محمود يوجد صور فيديوا وشهادات مكتوبه | عمر ادريس محمد | 04-11-06, 01:48 PM |
 Re: دمانا ليست رخيصه ولن ننسى شهدا مصطفى محمود يوجد صور فيديوا وشهادات مكتوبه | amir jabir | 04-14-06, 07:50 PM |
 منظمة حقوقية مصرية تطالب بفريق دولي لتقصي الحقائق | amir jabir | 04-15-06, 06:19 PM |
| Re: منظمة حقوقية مصرية تطالب بفريق دولي لتقصي الحقائق | قاسم المهداوى | 04-15-06, 07:15 PM |
| Re: منظمة حقوقية مصرية تطالب بفريق دولي لتقصي الحقائق | amir jabir | 04-16-06, 11:02 AM |
| Re: منظمة حقوقية مصرية تطالب بفريق دولي لتقصي الحقائق | amir jabir | 04-16-06, 06:01 PM |
| Re: منظمة حقوقية مصرية تطالب بفريق دولي لتقصي الحقائق | AMNA MUKHTAR | 04-16-06, 06:21 PM |
| Re: منظمة حقوقية مصرية تطالب بفريق دولي لتقصي الحقائق | amir jabir | 04-18-06, 07:48 AM |
| Re: منظمة حقوقية مصرية تطالب بفريق دولي لتقصي الحقائق | amir jabir | 04-23-06, 06:01 PM |
| Re: منظمة حقوقية مصرية تطالب بفريق دولي لتقصي الحقائق | amir jabir | 04-28-06, 10:18 AM |
| Re: دمانا ليست رخيصه ولن ننسى شهدا مصطفى محمود يوجد صور فيديوا وشهادات مكتوبه | عمر ادريس محمد | 04-28-06, 11:22 AM |
 Re: دمانا ليست رخيصه ولن ننسى شهدا مصطفى محمود يوجد صور فيديوا وشهادات مكتوبه | amir jabir | 04-28-06, 12:58 PM |
| Re: دمانا ليست رخيصه ولن ننسى شهدا مصطفى محمود يوجد صور فيديوا وشهادات مكتوبه | amir jabir | 04-29-06, 10:59 PM |
| Re: دمانا ليست رخيصه ولن ننسى شهدا مصطفى محمود يوجد صور فيديوا وشهادات مكتوبه | amir jabir | 04-29-06, 11:14 PM |
|
| |
amir jabir
فيس بوك
تويتر
انستقرام
يوتيوب
بنتيريست