|
Re: ياجماعة الهلال مغلوب كم؟؟؟؟؟ (Re: keiga2000)
|
كيجا يا اخوي: والله كورتكم الفاتت دي زكرتني الدورات الرمضانية ... ياخ لاعبين ليكم مع فريق بتاع موظفين ؟؟؟؟ والله انا جايني إحساس إنو لاعبين فريق الضرائب لبسوا الهدوم بعد الدوام .. النوع البيكونوا بعد الشغل إتلموا تحت شجرة في مبنى الضرائب واي زول بيكون غسل فنيلتو والشورت من امبارح وجا شيلهم في الشنطة وطبعاً بيكون المدرب بتاعم رئيس القسم .. والله فضحتونا .. تلقاهم اسة عندهم جريدة حائطية في الشغل وببيقرقوا علي بعض ويشاغلوا في بعض بعد كورتكم ديك .. ياخ فريق الجمهور الدخل ليهو عددو ما فايت ال70 متفرج فيهم 30 هم الطاقم الفني للمريخ .. انا خايف كورتكم الجاية تكون مع ناس شركة دال للسيارات ...
|
|
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|