|
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي (Re: أحمد أمين)
|
...
نهال كَرَّار،.. إزيك يا بنيتي الحلوة "الماضلامية" –بعد التطبيع-،.. شفت كلامك عن "كلب السجّان" و"إحداثيات الإنسان" في البوست الحلو بتاع عبد الغني، بس للأسف لما مشى المكتبة قبل ما أرد عليك،.. عارفة؟ إنت زولة كويسة وأمينة مع روحك، للمزحة كدي، المرة دي ما كابرتي، وهاااك احترام مني،... أها، كوني بخير أبداً، والمرة الجاية أعزمي لي معاك الحاجَّة "بت الأحفاد"، وألا كمان رسلي ليها الروايات "غير التيموليلتية"، عشان نطبّع معاها برضو،.. يلا يضحك نهارك،... وكوني بخير،..
الأستاذة هالة محمد عبد الحليم،.. يطيب صباحك، وأول حاجة مبروك "الزعامة" و"ميسون بت النجومي" صاحبتي دي، ما تشاكلوها، سمح؟ أنا عارف ناس السياسة ديل الحناس ما بنفع معاهم، لكن دي مجرد خاطرة عميقة مش عابرة،.. فرحان بزعامتك جدا، لأنو الساسة الرجال ديل جارنّها من 55 وعينك ما تشوف غير الضلام، كدي نشوف جكّتكم إنتو كيف؟ نوري الجَرّاح عندو كلام كتير عن الراحلين جون قرنق والخاتم عدلان –كما تعرفين- فهنيئاً لكم به شاعراً ومحباً للسودانيين،.. طبعاً إنتو بتكون عينكم –كنساء- على إسهاماته في مجال الجندر و"مجلة الكاتبة" الأولى من نوعها والمافيها صورة إمرأة عارية واحدة ويقرأها الجميع، فهو شاعر "المرأة المفكّرة" بامتياز، ثم الأنثى ما أمكن،... أنا شخصياً روائي "تيموليلت" وبنية حقيقية جداً، من ناحيتنا، لم أكتب عنها سطراً واحداً حتى اليوم، ولم أذكر اسمها قط، مع أنني كتبتُ لها كل ما كتبت، وهي ليست مفكّرة ولا يحزنون، شايفة الخمج دا كيف؟ كوني بخير،.. ونرجو للحركة مستقبلاً مفيداً معك،..
طارق عبد اللطيف نقد،.. إزيك يا مسخوت،.. إنت من الزمن داك لابد، ياخي أنا صححتها في حزتها، لحقني صاحبي عادل البدوي، وقال لي يا ود خالد أمسية صاحبك دي شكلها فَرّقت زماان،.. أها لامن جيت لاحق البوست بجاي لقيت الكراسي لقطوها،..
الزول كان جرى من زمن العكاز أخضر وفي شجرتو، ما يمرق من فلقكم،.. غايتو يضحك نهارك
أحمد أمين،.. كيفك يا زول وطيب أريتك،.. كن بخير،.. شكرا
..
|
|
|
|
|
|
|
العنوان |
الكاتب |
Date |
الشاعر (نوري الجَرَّاح) في أمسية خرطومية يقدّمها الشاعر الصادق الرضي | محسن خالد | 02-05-06, 07:27 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | هشام المجمر | 02-05-06, 08:12 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | محسن خالد | 02-05-06, 08:35 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | نهال كرار | 02-05-06, 01:49 PM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | هميمة | 02-06-06, 02:13 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | طارق عبد اللطيف نقد | 02-06-06, 06:09 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | أحمد أمين | 02-06-06, 07:16 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | محسن خالد | 02-06-06, 10:57 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | هميمة | 02-07-06, 07:34 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | haider osman | 02-07-06, 07:46 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | عثمان فضل الله | 02-07-06, 02:25 PM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | هميمة | 02-08-06, 03:52 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | محسن خالد | 02-08-06, 08:14 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | أحمد طه | 02-08-06, 08:44 AM |
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي | محسن خالد | 02-11-06, 08:22 AM |
|
|
|