|
Re: محمد البدرى -- مجدداً (Re: tmbis)
|
إزيك يا علاء وكل الأعوام وإنت سعيد وطيب
تعرف أنا ما تعبت كتير فى التمنى، لأنه كنت على يقين إنك حتكون حاضر ومتابع للجمال حيثما كان، فعلا إتذكرتك والله يا علاء وضحكت
فى الأمسية دى، كنت فى التجوال اليومى المرير على القنوات، ومع إنه ما قاعد أركز على قناتنا الحبيبة، بس فجأة أسمع الصوت الذى لا يخطئه القلب
وحضرت جزء كبير من الحوار نع إنه ما طلع من الشى التقليدى المعتاد، بدون الغوص فى جوه الأشياء، وزى ما قلت إنت، الموضوع عايز ناس زى محمد ترنيم أو جرهام أو الماحى سليمان، بس يبدو إنه القصد أصلا زى ما قلت ليك كان عرض حاجه من الشرق فى المقام الأول، يعنى كان ممكن يكون موجود "يحى ادروب" فى مكان محمد البدرى
ما زلنا نأمل ونتفائل إنه كل مجال متخصص فى وسائط الإعلام، يمسكوه ناس متخصصين بنفس القدر، عشان حاجاتنا تطلع لينا وللعالم كله مجوده وجميلة، وتظهر بالشكل والمضمون المفروض والمطلوب
صوت محمد البدرى حاجة غير عادية تماما، ومزيج من أشياء كتيره، مبهرة ومبهجة وعجيبة
يعنى شنو كان المانع إنه من البداية محمد البدرى كان يكون موجود فى معهد الموسيقى أو كلية الموسيقى زى ما عملوها هسه، وشنو كان المانع إنه حتى لو هو ما كان عنده اهتمام او رغبة، الناس تحفزه وتساعده
نحن يا علاء، قوم أبتلينا بعشق الجمال، خاصة فى المزيكا والصوت، وكل شى متميز ومتفرد بدخل مباشرة ويستعمر الدواخل، وإنت شيخنا طبعا
انشاء الله تسعد وتسلم يا زول يا سمح
ولينا كلام كتير عن سبت عثمان ومحمد البدرى وغيرهم من الأقمار البهية
|
|
|
|
|
|