أرأيتم إن أسلم عبدُ الله بن سلام ؟ حبر اليهود..!! بهت القوم ...

Quote: ههههها.. وبرغم أنو مافي نفس للضحك.. لكن شر البلية ما يضحك فعلاً .. بتنطبق هنا... كده زح شوية يا زول.. بعدين تعال نقول ليك.. الناس موش من زمان.. قالت.. دار أبوك لو خربت شيل ليك منها عود.. صدقني.. بأكثر مما وصفتنا ووصفنا به سواق التكسي.. متوقعين.. وعينك هنا على عبدالله بن سلام سيد اليهود.. البقي أرزلهم بن أرزلهم بجرة بهتان لسان.. وعلى ما أظنك مبسوط.. بس ما تتوقع الرد داآآآآك مني.. فأنت .. لا تستحق.. أكثر من أضع صورتك دي.. فوق البوست ده.. وأقوم أجوط ليك شوية حروف.. وبعد داك أخليك.. تقعد تفرزها حرف حرف.. تعرف يا طلال.. مشكلتك/م.. إن صدرك/م بيضيق بسرعة.. لامن نقول ليكم.. إنو لينين ومعاهو كارل ماركس.. ديل ديل.. يهود.. وإنتو عبارة عن مغفلين نافعين بتحاربو .. بالنيابة عنهم... في دينا بكل قيمو الإنسانية.. وإنتو قاعدين تبغبغون وليس (مببغون) وراهو.. وبأعلى حسكم.. الدين أفيون الشعوب. وهتاف الشارع قال.. ومشكلتكـ/م إنو فجأة... تكتشفو إنو المسألة دي ما هي أفيون ولا يحزنون.. بس المسألة ناقصة.. شطارة وما دايرة شتارة.. والحكاية كلها شجاعة أهل اليسار المتوارية خجلاً من وراء السواتر المهترئة... والمنهارة دي... تعرف يا مان ولو بنفس إنتهازية.. ميكيافيلية الغاية والوسيلة.. بتاعتكم دي.. قدرتو تتكيفو على أن الدين ليس فيون للشعوب كما تدعون.. بتخايل لي.. بتقدروا تحققو مكاسب على مستوى أنفسكم.. بعدين ممكن تقنعو الشارع الراجيكم في الإنتخابات الجاية بعد ست سنوات إنتظار نيفاشا.. وإنو ممكن تقتنعو بأنو لهذا الكون رب معبود.. والمسلمين مأمورين بأمر موالاة المسلمين.. أينما كانوا.. وحلوا وأرتحلو.. وليس اليهود.. مهما قويت المبررات.. ويد الله زي ما أنت وجمعنا عارف.. مع الجماعة