|
Re: حقق حلمك بالاقامة والعمل بالولايات المتحدة الامريكية ... (Re: luai)
|
لؤي بعد التحية إنت يا زول أظنك بتنقل ليك في كلام ساكت، غايتو نحن قلعدين هنا في أمريكا بنسمع بجنس كلامك في الانترنيت. لكن ما مشكلة كدي نقول ليك تجربتنا مع البلد وبعدين احكم، والمثل بيقول اسال مجرب ولا تسال طبيب. اولاً بالتبادي أمريكا بلد بتحكما المؤسسات والدستور، وبالتالى الفرصة المتاحة لأى مجموعة عشان تمارس إضطهاد على مجموعة تانية فرصة ضيقة جداً، ومحفوفة بالمخاطر ومطالبة التعويض وغيروا. المهم يازول مانطول الكلام، لكن نقول حاجة، ما يقدر أي زول في أمريكا ما يشغلك لأنك مسلم ولأنو عندك دقن، عارف أنا بأتحداك إنو في زول قدم لي وظيفة وما أخدوهو فيها لأنو مسلم. أنا بعرف ما لايقل عن عشرة مسلمين عندهم العمل الخاص بيهم، والناس هنا يمكن بيتكلموا ساكت، لكن نديك معلومة، الليلة دي أي زول يثبت إنو قدم لوظيفة وما اخدوهو لأنو مسلم (طبعاً بعد ما يكون مستوفي الشروط المطلوبة للوظيفة المعينة) أو لأنو عندو دقن، فهو ممكن طوالى يرفع قضية دستورية ويطالب بتعويض. يعنى هنا في امريكا بحميك القانون، وهسة المسلمين قاعدين هنا وبيسمح ليهم يفتحوا مدارس بتاعتم ومساجد ويعملوا منظمات ودا كلو. طيب النقول ليك بإختصار كدة، مقارنة بين الدول المسلمة وأمريكا، فوضعية المسلم في أمريكا أحسن من وضعيتو في اي بلد مسلم، عشان كدة يا مان المسلمين في امريكا ما سمعنا أنهم قالو عايزين نغادر امريكا عشان نحن مظلومين. وطيب هاك دي كمان ، لمن نقارن وضعية المسلمين في امريكا الغالبيتا مسيحيين، ونقارن وضعية المسيحيين في الدول الغالبيتا مسلمين بنلقي كفة امريكا بترجح. أما قصة (يجب ان تجيب بصراحة على سؤالنا قبل ان نمنحك ختم الدخول الى الجنة ..ماذا تسمي ماتم في العراق وافغانستان؟ ان قلت تحرير فستدخل جنتنا ..وان قلت احتلال فستدخل جنتكم .. الم نقل لك سنمنحك ختم الدخول للجنة في الاخير ...)، فقط لمعلوماتك المظاهرات هنا يوميا ضد ما يحدث في العراق، وأغلب الناس امريكان وفيهم مسلمين، ومافي زول يقدر يسألك السؤال دا عشان يسمح ليك بالعمل. أما قصة التجسس على مكالماتك التلفونية وخلافو فدي لازم تكون بأمر من القاضي ومن حقك الإعتراض ورفع قضية، وهسة الأيام دي بوش مزرزر لأنو طلب مراقبة بعض التلفونات لناس أمريكان بدون ما ياخد إذن من القاضي. خلاصتو يازول، إنت كلامك دا ما حاصل في أمريكا النحن عايشين فيها دى، ولا بالطريقة دى فإذا في زول أداك معلومات عن قضايا محددة حصلت لمسلمين هنا قول لينا، وهسة المحامين هنا قايمين على البيحصل في غوانتنامو وحتى قصة السجون الموجودة في اماكن تانية الناس محتجة عليها والحكومة ناكرة، ولو ثبت فاي زول حيتاكم، ويمكن سمعت بقصة ليبي مدير مكتب وزير الدفاع وهو هسة في المحكمة. وخليك من دا كلو إنت شفت حصل شنو للناس بتاعين أبو غريب، الموضوع دا كشفوهو الأمركان عارف ليه؟ لأنو مخالف للقانون والدستور، كدى أدينى إسم زول واحد في السودان حاكموهو عشان عذب ليهو زول. وآخروا، الكلام الإنت قلتو دا حاصل في السودان، يعنى كان ماعندك دقن ومرات زي مابيقولوا بعض الناس (شلوخ) ما حتلقي ليك عمل، وفي السودان مش ممكن يتجسسوا عليك، لا يا حبيبي كمان يودوك الصالح العام من غير اى جريمة. ونهايتو زي ما قلت ليك ما تكون زي المنافقين وتتحري الكذب، عندك دليل على الكلام القلتو فوق دا ورينا ما عندك ورينا عرض اكتافك وشوف ليك موضوع تانى. الصادق لاجئ في امريكا مسلم بي دقن وشنب خريج اصول دين جامعة امدرمان الإسلامية.
|
|
![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
حقق حلمك بالاقامة والعمل بالولايات المتحدة الامريكية ... | luai | 01-12-06, 07:18 AM |
Re: حقق حلمك بالاقامة والعمل بالولايات المتحدة الامريكية ... | معتز تروتسكى | 01-12-06, 07:44 AM |
Re: حقق حلمك بالاقامة والعمل بالولايات المتحدة الامريكية ... | Biraima M Adam | 01-12-06, 08:03 AM |
Re: حقق حلمك بالاقامة والعمل بالولايات المتحدة الامريكية ... | luai | 01-12-06, 12:55 PM |
Re: حقق حلمك بالاقامة والعمل بالولايات المتحدة الامريكية ... | luai | 01-12-06, 12:38 PM |
Re: حقق حلمك بالاقامة والعمل بالولايات المتحدة الامريكية ... | Mohamed Suleiman | 01-12-06, 08:25 AM |
Re: حقق حلمك بالاقامة والعمل بالولايات المتحدة الامريكية ... | luai | 01-12-06, 01:31 PM |
Re: حقق حلمك بالاقامة والعمل بالولايات المتحدة الامريكية ... | luai | 01-12-06, 01:38 PM |
Re: حقق حلمك بالاقامة والعمل بالولايات المتحدة الامريكية ... | الصادق اسماعيل | 01-12-06, 03:24 PM |
Re: حقق حلمك بالاقامة والعمل بالولايات المتحدة الامريكية ... | luai | 01-12-06, 04:20 PM |
Re: حقق حلمك بالاقامة والعمل بالولايات المتحدة الامريكية ... | الصادق اسماعيل | 01-12-06, 09:11 PM |
Re: حقق حلمك بالاقامة والعمل بالولايات المتحدة الامريكية ... | Biraima M Adam | 01-12-06, 10:06 PM |
Re: حقق حلمك بالاقامة والعمل بالولايات المتحدة الامريكية ... | luai | 01-13-06, 12:07 PM |
Re: حقق حلمك بالاقامة والعمل بالولايات المتحدة الامريكية ... | luai | 01-13-06, 11:50 AM |
Re: حقق حلمك بالاقامة والعمل بالولايات المتحدة الامريكية ... | Mahathir | 01-12-06, 11:17 PM |
Re: حقق حلمك بالاقامة والعمل بالولايات المتحدة الامريكية ... | ALGARADABI | 01-13-06, 02:05 AM |
Re: حقق حلمك بالاقامة والعمل بالولايات المتحدة الامريكية ... | الصادق اسماعيل | 01-13-06, 02:59 PM |
|
|
|