|
Re: هل لديك الشجاعة لتقولها ؟؟؟؟؟؟ (Re: مريم بنت الحسين)
|
فعلا عاوزة شجاعة وما كل الناس بقدرو عليها حددت علاقات كتيرة بسبب ادب الاعتذار يعني ياخي ما بقبل الاعتذار المغلف ..طبعة صعبة جد ..وكنت بحب انو الواحد لما يجي يعتذر يخش في الموضوع ذاتو .. زي ما انا بعمل ..لكن لا ..يجيك ويقعد جنبك ويبدأ يتكلم ويتونس ويفتح مواضيع كتيرة .. وما يقول اي شئ عن المشكلة الحصلت..ويقوم يمشي وهو مفتكر انو خلاص اعتذر والموية رجعت لمجاريها ...انا من قلبي بتعاطف معاهو ..والعلاقة بترجع مرحليا..لكن البقنع الديك شنو...اقصد البقنع الحجر الفي الراس ده شنو...مالو يعني لو جاء وقال ليك ياخي انا قبيل قلت ليك كده وكده وانا اسف ..اربعة كلمات بس ...كانت حلت المشكلة حل نهائي .. لكن لا ..الواحد يعني لازم يحفظ موية وشو بالطريقة دي ..في حاجة ناقصة ..الكعوبية دي والله مكتسبة ما طبعة..ما عارف متين بديت اكتسبها لكن كعوبية والله وانا عارف كدة لكن البقنع ال.. امكن عشان انا عاوز الناس تعاملني زي ما بعاملها تعرف يا ود الجزيرة..المسامحة اصعب من الاعتذار..ما اصعب ....لا حول ولا قوة..كعوبية شديدة....غايتو
|
|
|
|
|
|
|
|
|