|
4مذكرات انسانه مشكلتها انها سمينه
|
تذكر جدتي انني كنت طفله لطوخه. ...اي من ذلك النوع من الاطفال الذي يلتصق في مكان واحد كالطحلب....هادئه ولا ابكي كثيرا...واذا بكيت فالبزه تجعلني اشهق فرحا.... او عندما كبرت قليلا حلاوه حربه...حلاوه بيض....اما الشوكولاته فكانت تجعلني اغرد لايام وايام.....ولكنه هذه اللطخنه .ما كانت في كل الاحوال بل هناك لحظات اسابق فيها الرياح بمشايتي الصغيره....عارفين متين؟؟ لحظه احضار صينيه الاكل ما زلت احمل اجمل الزكريات عن ايام طفولتي..يا سلام يا جماعه حلى احلى الايام لمن نكون متغدين مع ناس جدو....والعجب فطور رمضان هناك... لمن كنت صغيره كدا وبسمع بالجنه ونعيمها...زاقعد اتخيل ليكم برش مفروش في نص الحوش....والعصاير دي ما تديك الدرب.. جردل منقه...زجردل حلومر..جردل كركدي.....وفطاير بالسراويس...والعصيده الماخمج....وانا زي الملكه بين خيلاني وخالاتي ..دا يديني قطعه جداده....ودا حته كفتايه...وانا ابلع وابلع وابلع ...ويجي صوت جدو الله يرحمو
-زينب...يا بت....قولي بسم الله الاكل ما طاير واقوم انكمش في النص عشان ما اخد نهره تانيه وابلع ....لكن ادسه كيفن عاد وانا عامله زي الميم في السطر..... _ يا بت هوي .ما قلنا براحه......بتتخنقي واحرد شويه....ثواني بس..زوحبي يغلبني وبعد الاكل القومه تغلبني ويقترحو على اخد لفه لفتين حول الحوش لكن.....لا احد يستطيع ان يتطور كم هو مولم ان تكون طفلا سمينا....عندك جضيمات كبار ..وايد زي المرزبه كما كان يقال لي ولا اعرف لحد حسه ما هي المرزبه....كل دا كان في .....لكن في النهايه كنت طفله بكل ما تحمله تلك الكلمه ا....تلك الطفوله التي لم يقدرها الكثيرون....ولم يروا فيها غير اكوام من الشحم تستحق الاستهزاء والسخريه كانت متعتي الكبيره في فسحه الفطور عمل فته كبيره من سندوتشات البنات...وغالبا الحكايه دي كانت تنتهي انو ارفع راسي والقى منى ونهي واميره بحدروا لي بغيظ لا ادري سببه وفي اليوم التاني _زينب والله انا امي قالت لي تاني اكلي سندوتشك براكي كويس وبقت امي تحشي لي سندوتشين ونص واكلهم كلهم ولاادي زول قرمه معاي من المواقف التي لا انساها يوم اختفى سندوتش اميره البتقعد جمبي...وبدت الهبله في البكاء....وفتشوا الشنط ولقو السندوتش عندي..ولم تفلح محاولاتي ودموعي في اقناع المدرسه انني بريئه من دا.....وقف ضدي حجمي المدور وشهرتي العالميه في حب الاكل وا خدت اول علقه لي وسط الفصل وكنت بريئه ومع انو امي جات اليوم التاني لكن بقى عندي احساس شديد بالمراره ومرت الايام واكتشفت الجاني _سحر انت الدسيتي سندوتش اميره في شنطتي.......مش كدا.نهى قالت لي كدا _نهى...اي يا كعبوله ....وما يبقى..وما يعني.....وما يكون _كدا....يا عواليق ...كان مره اقيفي قبلك وقبل ان تقرر سحر انها مره ولا لا كان الموضوع انتهى....واحتفظت منو بزكريات....فرده حزامها .....شريط شعرها......والاهم ريحت اهلها من زياره الدكتور عشان اسنانها الملخلخات القدام وبعدها اخدت تاني علقه لي في المدرسه وبعدها....توالت العلقات
|
|
|
|
|
|
|
العنوان |
الكاتب |
Date |
4مذكرات انسانه مشكلتها انها سمينه | حنين | 01-26-03, 01:17 PM |
Re: 4مذكرات انسانه مشكلتها انها سمينه | azza | 01-26-03, 03:07 PM |
Re: 4مذكرات انسانه مشكلتها انها سمينه | Modic | 01-26-03, 03:24 PM |
Re: 4مذكرات انسانه مشكلتها انها سمينه | حنين | 01-26-03, 03:35 PM |
Re: 4مذكرات انسانه مشكلتها انها سمينه | willeim andrea | 01-26-03, 07:07 PM |
Re: 4مذكرات انسانه مشكلتها انها سمينه | woroorrook | 01-27-03, 09:18 AM |
Re: 4مذكرات انسانه مشكلتها انها سمينه | حنين | 01-27-03, 12:27 PM |
Re: 4مذكرات انسانه مشكلتها انها سمينه | sentimental | 01-27-03, 12:56 PM |
Re: 4مذكرات انسانه مشكلتها انها سمينه | حنين | 01-27-03, 01:08 PM |
Re: 4مذكرات انسانه مشكلتها انها سمينه | sentimental | 01-27-03, 01:29 PM |
Re: 4مذكرات انسانه مشكلتها انها سمينه | حنين | 01-27-03, 09:34 PM |
Re: 4مذكرات انسانه مشكلتها انها سمينه | sentimental | 01-28-03, 06:28 AM |
Re: 4مذكرات انسانه مشكلتها انها سمينه | أبكر آدم إسماعيل | 01-28-03, 09:31 PM |
Re: 4مذكرات انسانه مشكلتها انها سمينه | حنين | 01-28-03, 09:35 PM |
Re: 4مذكرات انسانه مشكلتها انها سمينه | DKEEN | 01-28-03, 10:08 PM |
Re: 4مذكرات انسانه مشكلتها انها سمينه | sentimental | 01-29-03, 06:43 AM |
Re: 4مذكرات انسانه مشكلتها انها سمينه | shiry | 01-30-03, 12:31 PM |
Re: 4مذكرات انسانه مشكلتها انها سمينه | حنين | 02-01-03, 12:13 PM |
Re: 4مذكرات انسانه مشكلتها انها سمينه | sentimental | 02-01-03, 12:35 PM |
Re: 4مذكرات انسانه مشكلتها انها سمينه | حنين | 02-01-03, 12:47 PM |
Re: 4مذكرات انسانه مشكلتها انها سمينه | sentimental | 02-01-03, 12:58 PM |
Re: 4مذكرات انسانه مشكلتها انها سمينه | شرير والبرتقاله | 03-03-03, 04:40 PM |
|
|
|