الشواطين الحمر

العمـدة قـرشو والاخوة الثوار الاحرار المشاركين

والله هذا البوست كنت أتختراه يمين وشمال ظنا مني أنه لا يعني غير الشياطين والحمر منهم كمان .. لاكين سبحان الله .. قلت كدي النشوف .. فلقيتكم بتنبذو في كورتنا ونحن اللي علمنا الناس الكورة ومشينا خليناها ليهم

في هذه المباراة بالذات أجبرني شقيقي الصغييير جدا وقاعد معانا في البيت وما شغال وكان عيان وماسك الريموت ، أقول أجبرني على مشاهدة طرف من هذه المباراة الظريفة اللي كان مفروض نغلب فيها لو ما الحكم والملعب والكورة والسادة النظارة والمدرب ولاعبونا أنفسهم ، طبعا دا بالاضافة إلى الجمع والعطلات الرسمية والحكومة

في الحقيقة لمن مصراني قرب ينقطع مسكت الريموت من اخي وقلت ليه ياخ كفاك ، لو داير المعة خلاس استمتعت ولو داير النتيجة انا من هسع بقول ليك حاتكون تلاتة صفر
ومن ديك وعيك
بس اولادنا الحمر طلعو شطار وكانت النتيجة 2 بس