|
Re: لمن يجى الزمن الفلانى (Re: أبنوسة)
|
طيبة * محمد الحسن سالم حميد *
كل ما تباعد بينا عوارض كل ما هواك يا طيبة مكني تلد الغربة القرب الواحد بيك أسمي الشوق وأكني لما أفوتك من دون خاطر أو دون خاطر مني تفوتي بلقى حبايب في كل حتة وكل بيوت الفقراء بيوتي لا غيرت وراك الجتة لا بدلت ملامح صوتي لاغافلني وهادن فني غامل المدن الما عرفتني تبن الشوق الصبرو مصوبر للأرياف الكم وفتني وللأطفال الناشفة ضلوعا ونازفة بغني أهدّي دموعها وأطمن روعها بي بسمة بكرة اللاها تمني ولا مصنوعة أغني لشعبي ومين يمنعني أغني لقلبي إذا لوعني مخير دربي الما رجعني إذا طلعني نخلة القرب ولا الغربة الكدرومية تنزل غنوتي بي قمرية
أو وقعني في بطن الجب بطلع يوسف بالأغنية أغني الناس الما بتسمعني المنى بعيدة .. المبعدة عني النادى نشيدها .. وكنت المعني الإيدي في إيدا .. وإيدها بتبنى في دنيا جديدة .. اليوم راح تدني وأريت غنواتي في ناس شغالة تكون سندالة وعود طورية ضراع رجالة كتاب أطفالها وجملة ياها الما مكرية بَقة فالا .. وسدة مالا في ليلة الدخلة على أسمى قضية حبيبة قلبي يا سودانية يا أسمى معاني في زول بيعاني يا ود ضكران يا بت دغرية وأنا إن سامعاني فضلت أغاني غبش فقرية وروح غانياني حويتك مني يا دافعاني براحة إيديا كما الأشواق ويا جابداني برفق عليا
وما بتحير بين الفوق وبين الناس التحتانية إلا مغير ولا عقوق ولا كفيف الإنسانية ومنك وين يا كاشفة عيني بنور الإلفة ضيا الحنية وحلم العالم ناس تتسالم والبني آدم صافي النية والأطفال الناشفة ضلوعها أطمن روعها وتبدأ تغني غناوي البكرة الكم مسموعة حسيس طمبارة مع نقارة صفِقةً حارة ودارة تغني فيا حلتنا عليك ترابك وإنت شبابك زينة الجنة أحلى عروس البلد اللتنا والا الغبش الرابة تهني والا هدير المدن التصحى وتمحى ظلام الحاصل عني
*** ______________
وإلى خزنتها هل من مزيد
|
|
|
|
|
|
|
العنوان |
الكاتب |
Date |
لمن يجى الزمن الفلانى | أبنوسة | 10-18-02, 11:31 AM |
Re: لمن يجى الزمن الفلانى | أبنوسة | 10-18-02, 11:38 AM |
Re: لمن يجى الزمن الفلانى | أبنوسة | 10-18-02, 11:43 AM |
Re: لمن يجى الزمن الفلانى | أبنوسة | 10-18-02, 11:50 AM |
Re: لمن يجى الزمن الفلانى | Tumadir | 10-18-02, 12:01 PM |
Re: لمن يجى الزمن الفلانى | ايهاب | 10-18-02, 12:09 PM |
Re: لمن يجى الزمن الفلانى | أبنوسة | 10-18-02, 12:19 PM |
Re: لمن يجى الزمن الفلانى | ايهاب | 10-18-02, 12:29 PM |
Re: لمن يجى الزمن الفلانى | قرنفل | 03-30-03, 03:14 PM |
Re: لمن يجى الزمن الفلانى | sheba | 03-30-03, 05:41 PM |
Re: لمن يجى الزمن الفلانى | أبنوسة | 03-30-03, 07:37 PM |
Re: لمن يجى الزمن الفلانى | معاوية الزبير | 03-31-03, 12:06 PM |
|
|
|