|
|
 Re: يوميـات امرأة مُـفـلكـــبه (Re: star)
|
مية مسا على الناس
المدهشة
هانذي اعود اليك مهترشه . مليانه نضمي
لكم مداد صداقتي
وحبي
قرشو
سيدي ..إنها الدكوة.. اتجهل الدكوة العظيمة .. السحرية .. مما اكون اكثرانصافا واقول انها شريان الانسان السوداني .. المبسوطين قبل البسطاء . وكفي .
اوعك تقعد تحت حيطة ناس سكينة المفلكبة .. اخشي عليك من جردل موية عدتها .. تعال اقعد تحت ناس حيطتنا ولاتعال اتفضل في صالونا .. غايتو الشاي بسويهو ليك …
حبيب الكل
والله يا حبيب الكل .. لسع ما عرفت المشكلة .. مازالت لديك وسيلتين للمساعدة
اتصل بي بصديق ولا اخد راي الجمهور .. الجمهور غايتو ما بثق فيهو ..
لكن ..حضر صديقك اللي حا تتصل بيهو . وامامكما 30 ثانية من بعد ما تبلش
حمزه سليمان
والله ياحمزه يا خوي . انت لسعة ما شفت فكلبه .. هل تصدق انو سكينه اغتربت شهوراً . لكنها حسمت رأيها ..
ود عـــزه
ود قطري .. او دفعتي .. لست ادري لكني احسني فعلا اعرفك ..
المهم .. الدكوة مثلما سبق وقلت .. سحريه الفوائد وصاحبه الالف وظيفة وشغلانه … يعني ما حل ما وديتها ابدا ما بتقصر معاااااك .. رغم انهم اخيرا .. حاولوا يطلعوا لينا فيها كل العبر .. الا ان الناس هناك تمسكوا بصحبتها … منهم من اقتنع بما قالوه .. لكنه رغم ذلك تمسك بصحبتها
ومنهم من لم يقتنع وقال ليك .. طيب كيف نعيش من غيرها . يجيبوا لينا البديل ونحن برضوا ما ح نخليها ..
سلمت ياخوي .. والله يرفع عضاك مثلما رفعت معنوياتي ..
الزول زاتو
هذا ما لم استطيع تصوره .. لكن يمكنني ان اقول لك ..لو الراجل والشفع جوا .. كان حقكم راح عيونكم ح تطشش عديل كده .. ويحلكم الحل الجماعة بتاعين العدادات ..
ميرسي اوي خالص لطلتك
انسانه
انشاء الله تكوني بس ما اتهورت وطبقتي فيهم النظريه .
نصيحتي اليك ان كان عيالك وابوهم يزعجونك .. تابعي يوميات المراة المفلكبة واكيد ح تتعلمي اساليب تستخدميها في حالات الطوارئ ضد الرجال النكدييين
سلمت يا اختي . وانا سعيدة بان كتابتي ادخلت البهجة في نفسك
غــدي
وانت تملكين ثوب انصع وخاشع . لا ادري لكن لدي احساس باني اعرفك .. كأن قرأت معك ..مثلا مثلا في كنبه واحده ..
تسلمي يا بت امي .. انا مثلك سعيدة لسعادتك ..وانشاء الله ما عدتمك
ابــوحــراز
عليك الله يا ابو حراز وقت هو مرمد وسجمان لي مرسلنوا .. يااااخي انتو حقارين وحات الله ..
ضحكت لمن فار صدري وانكتم وانا اتخيل الحالة التي يكون عليها صاحب البقاله .. وخاصة لو كان هندي واكيد اكيد هو هندي ..
ايش في صديق .. انت في عربي معلوم .. انت في روح في جيب نفر في مخ كويس سوا سوا
انا في مخ خراب .. قر قير كتير انا في يبغى ..
ياعيني على اللغة .. اقول ليك لو كان الهندي رباطابي وصاحبك يشيل ويتلايق عشان يوصل ليهو في حاجة اسمها فول حاجات .. واخشي انه اخبره (مررو) وهذا اسم اخر للحناكيش الذين يجهلون اسم فول الحاجات . حبوبتي تسميه كذلك ، أي والله (مرر-رو) . واستغرب من اين اتي هذا الاسم . ربما تكون لغة هوساوية . أي انه فول مدمس .. او دكوة .. والله اعلم ..
واتخيل معاي . (هداك الله ) ان الهندي اللي هو رباطابي من بومبي وروحو طلعت بعد ان شال وفهم في صديقكم داك .. ماذا يكون ردو..؟؟؟؟
شغلوا خيالكم معاااي . ايها الرباطاب .. ماذا يكون فعل قريبكم الهندي الرباطابي ؟؟
سنجاوي
انا الذي امتعتني كلماتك ودوختني عديل كده . حبه حبه علي يا ماااان زي ما بقول اخوي المفعوص ..
هترشتي . مضره نوعا ما .. اخشي عليها مني . اذ انني كثيرة الصداع مني ..
واخاف عليكم ايضا .. هل تستحملوني . اذ انني لا استحملني في بعض الاحيان
للانصاف والله مرات مرات ..
سلمت ياخوي .. للطلة ..ودائما اشعر بدف مشاعرك ونبضك الاخوي ..
سلمت ياخوي وانشاء ما اتحرمش منك . اقراها ياخوي بالمصري .. لانو ما في سوداني بقول كده .. I mean that
|
|
 
|
|
|
|
|
| العنوان |
الكاتب |
Date |
| يوميـات امرأة مُـفـلكـــبه | shiry | 08-07-02, 02:31 PM |
| Re: يوميـات امرأة مُـفـلكـــبه | قرشـــو | 08-07-02, 03:02 PM |
| Re: يوميـات امرأة مُـفـلكـــبه | 7abib_alkul | 08-07-02, 03:11 PM |
| Re: يوميـات امرأة مُـفـلكـــبه | HAMZA SULIMAN | 08-07-02, 03:19 PM |
| Re: يوميـات امرأة مُـفـلكـــبه | wadazza | 08-07-02, 03:25 PM |
| Re: يوميـات امرأة مُـفـلكـــبه | ALZOLZATOO | 08-07-02, 03:28 PM |
| Re: يوميـات امرأة مُـفـلكـــبه | ensana | 08-07-02, 03:59 PM |
| Re: يوميـات امرأة مُـفـلكـــبه | غدى | 08-07-02, 03:59 PM |
| Re: يوميـات امرأة مُـفـلكـــبه | زهره | 08-07-02, 04:22 PM |
| Re: يوميـات امرأة مُـفـلكـــبه | ابوحراز | 08-07-02, 04:51 PM |
| Re: يوميـات امرأة مُـفـلكـــبه | singawi | 08-07-02, 08:40 PM |
| Re: يوميـات امرأة مُـفـلكـــبه | robenson | 08-08-02, 11:40 AM |
| Re: يوميـات امرأة مُـفـلكـــبه | المسافر | 08-08-02, 12:02 PM |
| Re: يوميـات امرأة مُـفـلكـــبه | shiry | 08-09-02, 01:04 PM |
| Re: يوميـات امرأة مُـفـلكـــبه | المسافر | 08-09-02, 03:02 PM |
| Re: يوميـات امرأة مُـفـلكـــبه | Abomihyar | 08-10-02, 02:04 AM |
| Re: يوميـات امرأة مُـفـلكـــبه | Tumadir | 08-10-02, 02:29 AM |
| Re: يوميـات امرأة مُـفـلكـــبه | star | 08-10-02, 03:30 AM |
| Re: يوميـات امرأة مُـفـلكـــبه | shiry | 08-10-02, 10:29 AM |
| Re: يوميـات امرأة مُـفـلكـــبه | shiry | 08-10-02, 02:54 PM |
| Re: يوميـات امرأة مُـفـلكـــبه | رقم صفر | 12-12-02, 01:57 PM |
| Re: يوميـات امرأة مُـفـلكـــبه | شرير والبرتقاله | 03-03-03, 04:12 PM |
| Re: يوميـات امرأة مُـفـلكـــبه | Yasir Elsharif | 12-13-02, 08:25 AM |
| Re: يوميـات امرأة مُـفـلكـــبه | robenson | 12-13-02, 09:43 PM |
 Re: يوميـات امرأة مُـفـلكـــبه | serenader | 03-04-03, 08:05 AM |
|
| |
shiry
فيس بوك
تويتر
انستقرام
يوتيوب
بنتيريست