|
|
 Re: جرائم النظام اليوم 17 يناير -فيديو (Re: Nasser Amin)
|
من صفحة ياسين حبيب نورة
من مشاهد إعتصام رويال كير، في سودان سمح يتشكّل الآن.
شابّات وشباب عندهم إجابة لكلّ سؤال، عدا واحد: دمّ الشهيد بي كم واللا السؤال ممنوع؟
لو ما جيت من زي ديلا وآآآ أسفاي وآآآآ مأساتي وآآآآ ذلي.
بتاع مخبز غرّد في تويتر قال أنَّ لديه 2000 قطعة من الخبز، وترك رقم تلفونه، وطلب فقط حضور شخص لإستلام الكمية. وقال كلمة سمحة شديد: قدام بس ورا مافي!
في كنداكة جميلة ساكنة المعمورة، قالت إنها ما بتقدر تطلع، وطلبت زول يمشي ليها يشيل أكل للمعتصمين!
صنديد آخر كتب: عربيتي سنتافي ومشغّل الهزر، وطلب من أي شخص يشوف العربية، يجي لأنه معاه أكل للمتظاهرين!
بنتنا الجميلة من المهندسين، قالت إنو عندهم بطاطين خفيفة، وقالت عايزة زول يجي ياخدها، ورقم تلفونها مكتوب مع التغريدة كأجمل ما يكون!
واحد كتب إنو ساكن جوار رويال كير، لو في زول عايز يدخل الحمام، ما عليه إلا يبقى مارق ينجز ويرجع!
وجميلة أخرى من جميلات بلادي كتبت: لو في زول في الصافية في بحري سوداتل القديمة ومتحرك على رويال ممكن يجيني عندي كميه من البطاطين. .انسخو لي الكلام دا ياجماعة عشان يصل.
واحد ضكران كتب: يا أخواننا لو في زول عايز دم، أنا وأخواني جاهزين. والرقم طبعاً كان موجود.
قرّر واحد من برّي أميرة المواكب العودها راكب علاج كل المصابين في الطوارئ على نفقته الخاصة.
في ناس كتار ما بتقدر تحسبهم: كلهم قالوا إنهم معاهم عربيات، وجاهزين لتوصيل الناس لي رويال كير من مناطق تواجدهم.
أنا قلت: إن شاء الله بنات وأولاد الوطن يعفوا لينا بس.
*ملحوظة البوست قابل للإضافات.
شاركونا بقصص عظيمة.
|
|
 
|
|
|
|
|
| العنوان |
الكاتب |
Date |
| جرائم النظام اليوم 17 يناير -فيديو | Nasser Amin | 01-17-19, 05:46 PM |
| Re: جرائم النظام اليوم 17 يناير -فيديو | Nasser Amin | 01-17-19, 05:53 PM |
| Re: جرائم النظام اليوم 17 يناير -فيديو | Nasser Amin | 01-17-19, 05:57 PM |
| Re: جرائم النظام اليوم 17 يناير -فيديو | Nasser Amin | 01-17-19, 06:18 PM |
| Re: جرائم النظام اليوم 17 يناير -فيديو | Nasser Amin | 01-17-19, 08:17 PM |
| Re: جرائم النظام اليوم 17 يناير -فيديو | اسماعيل عبد الله محمد | 01-17-19, 08:20 PM |
| Re: جرائم النظام اليوم 17 يناير -فيديو | Nasser Amin | 01-17-19, 10:51 PM |
| Re: جرائم النظام اليوم 17 يناير -فيديو | Nasser Amin | 01-17-19, 11:05 PM |
| Re: جرائم النظام اليوم 17 يناير -فيديو | Nasser Amin | 01-17-19, 11:28 PM |
| Re: جرائم النظام اليوم 17 يناير -فيديو | Nasser Amin | 01-17-19, 11:40 PM |
| Re: جرائم النظام اليوم 17 يناير -فيديو | Nasser Amin | 01-18-19, 00:36 AM |
| Re: جرائم النظام اليوم 17 يناير -فيديو | فتحي عباس نقد | 01-18-19, 00:41 AM |
| Re: جرائم النظام اليوم 17 يناير -فيديو | Nasser Amin | 01-18-19, 01:01 AM |
| Re: جرائم النظام اليوم 17 يناير -فيديو | Nasser Amin | 01-18-19, 02:21 AM |
|
| |
Nasser Amin
فيس بوك
تويتر
انستقرام
يوتيوب
بنتيريست