|
Re: كتائب الظل، وميزانية الظل، مكانا وين؟ (Re: عمر التاج)
|
كتائب الظل دي يا عمر الناس عرفوها زمان ومتأكدين منها وبي تقصي او تحقيق بسيط ممكن يعرفو حاجات كتيرة عنها لاكين الموضوع المهم والاخطر من الكتائب هو (ميزانية الظل) او ميزانيات الظل .. انت عارف الميزانية البعلنوها كل سنة دي ، كلام فارغ وما عندها اي وجود على ارض الواقع ولا في زول شغال بيها لا وزارة المالية ولا مجلس الوزراء ، بالاساس وزارة المالية ماعندها ولاية على المال العام ولا بنك السودان عندو اشراف على السياسة النقدية وطباعة العملة ولا حصل قبل كده شفنا تقرير ربع او نصف سنوي عن سير الميزانية مجرد ارقام بليده ما عندها اي معنى . كل البتعملو وزارة المالية هو تأمين البند الاول (الاجور) وبس ، وبتأمنو بالطباعة بس ، ضرائب غير مباشرة ، ايرادات الضرائب والجمارك وشركات الدولة بتمشي وين ، الله اعلم .. انت عارف الدخل القومي لاثيوبيا اقل من الدخل القومي للسودان بكتير وبالرغم من انو اثيوبيا فيها اكتر من مية مليون نسمة وبتواجه صعوبات زينا في الحصول على العملة الصعبة ، يوم واحد ما شفنا او سمعنا بأزمة خبز او محروقات ، ده بوريك قروش بلدنا بتمشي وين .. ميزانيات الظل هي أسوأ بدع النظام ..يا رجل صرف المؤتمر الوطني براهو يمكن يكون اكتر من صرف عدة وزارات مجتمعة .. اما الامن والدعم السريع وكتائب المجاهدين ..بلاوي الناس الاثرت واتملت قروش فجأه كده من وين ما عارف شركات وعقارات واموال ، ديل كلهم ليهم علاقة بميزانيات الظل .. الموضوع ده خطير جدا ويمكن ان يكون من لاسباب الهامة لاستماتة الاسلاميين في السلطة ..
|
|
|
|
|
|
|
|
|