المتضامنون مع الفنانة منى ... ممكن 3 أسئلة؟

Quote: الداعشي، اها وباتباع زي هوسك ده الوافد الدخيل علي قيمنا، ماذا كانت النتيجة؟ نعم هوس امثالك علي مستوي جهاز الدولة، طبقا للكتاب والسنة، انجب افسد من مشي علي قدمين في تاريخ السودان كلو، فهل هذا صدفة! سلوكي انا كفرد لايخص جهاز الدولة اطلاقا طول ما لم اتعدي او اتجني علي ممتلكات شخص اخر.. مرة اخري كلامي ده مصدرو منبعو حيث ولدتا ونشات في الريف كاي سوداني وليس امريكا او الخواجات كما يتوهم بعضكم. ماشفنا عمدة او شيخ منطقة بعينها يتدخل بي صفتو الرسمية في ازياء اخواتنا او اخوانا! في حياتي الشخصية وانا طفل الحكومة ولا جهاز الدويلة الابقة المارقة الوافدة الاجنبية دي، والله ولا بتسمع بي اسما زاتو، وبالتالي حياتنا كانت اهلــــــــية خالصة لوجه مجتمعي المحلي، وكنتيجة وعبر التاريخ كانت شخصية السوداني التاريخية المعروفة. حكاية بالبوليس امثالك يقبضو الناس او يودووهم المساجد عشان يصلو بقفل محلاتم يوم الجمعة ولا العسس من امثالك يفتش ضمائر الناس ويقيم يوم الحساب في الدنيا بالوكالة باسم الله، هو بعض ما افسد شعبنا. ياخي انا حر في البلبسو لو كنت رجل ام امراة ولا احد في جهاز الدولة خارج اولياء امري من اهلي او كباري اوناس حلتي كاقصي حد، عندو سلطة علي كفرد! هذا لايخص جهاز الدولة اطلاقا! اذا انتا كوهابي مهووس شايف زي بعينه فاضح فهذا شانك انت، لانو طريقة تفكيرك لي روحا وافدة واجنبية، ونموذج انسانا يكفي ملك الوهابية الحالي وماذا فعل بواحد من ممتلكاته! ركز علي الصورة الكبيرة: ماذا انجب طريقة تفكيرك هذه كاسلاموي في السودان؟