|
|
 Re: Very Slow { May Be} But Sure (Re: دفع الله ود الأصيل)
|
((((8)))
قال المتنبي: لكل داء دواءٌ يُستطبُّ به إلا الحماقة أعيت من يداويها.
و يقال عن الحماقة أنها كساد العقل, و يقال الحماقة هي نقيض الحلم,
و يقال: إن الحماقة هي الغرور، أي: رؤية الأشيءر على هيئةٍ لا تمتُّ
إلىحقيقتة أمرها بأية صلةٍ . ويقال كذلك : أعرض على العاقل لا يليق،
فإذا لاق له فلا عقل و لا دين و لا خلق له.
عمومن هاكم دا تحليل سريع كدا بلهجة مصرية
عن حادثة المختفي قصراً و غدراًجمال خاشجقي.
-----(8)--------
موضوع جمال خاشخقي وما يتم تداوله منذ تلت أسابيع خلت،
و من يو ما تبخر في الهواء في ٢-أكتوبر-٢٠١٨ (من حوالي ١٦-يوم)
و ما يظهر كل يوم من أدلة جديدة تخص السعوديين وترتيباتهم إن صدقت،
يكون عليها علامات إستفهام ضخمةٍ ومتعقدةٍ ليس عن الجريمة وحسب
ولكن الأهم عن حجم الغباء والتفاهة والعته في التخطيط، مثلا :
١- إرسال ١٥-ضابط منهم علي الأقل ٤-٥ أشخاص من ألصق مستاشريك
و (ندمائك) و في نفس اليوم الذي تتم فيه العملية بأسمائهم كما هي وبدون أي
تنكر، طب ما أنت و لي عهدهم الأمين حفظه الله ، إطبع لهم جوازات سفر بأي
إسم تاني.طب بلاش من دي ، الزق لهم أية وظائف متنوعة ولا سمات مهنية
متتحلة ، و أنت برضك سيد العارفين يعني : إنو الرزق يحب الخفية.
٢- ال١٥ شخص يصلوا علي طائرتين خاصتين، يعني مش علي
commercial flights عادية، طيب يا باشمهندس ما حدش قال
لحضرتكقبل كده أن الطائرات الخاصة لها مهبط خاص ولها متابعة
أمنية خاصة !!؟ يعني أكتر حاجة ملفتة للنظر في الدنيا تقريباً.
٣- ال١٥ -ضابط دول بسم الله ما شاء الله حاجزين في نفس الفندق و حاجزين
4-Nights Reservation والفندق لازق في القنصلية، يا جدع عيب كده والله.
٤- حبيبنا جمال خاشقجي رحمه الله دخل القنصلية من بابها و ستي خديجة خطيبتو
واقفة مستنياه عاملة زي إيه( يمه القمر عا الباب) الخارجي في إنتظار سي جمال
يخرج و لما حضرتو إتأخر وسألت عليه في الأول قالوا لها ما جاشعندنا يا حجة!
طيب يا جماعةما تقول لها جه ومشي، جه وخرج مع القنصل، أي حاجة. بعدين دي
ماهياش أول مرة تعملوها ياخي أبدن ما سمعتوش بإني كتر التكرار بيعلم الشطار؟!
٥- ال١٥-ضابط كلهم خرجوا من القنصلية في نفس الوقت و راحوا الفندق
أتغدو سوا و واحد منهم اللي هو كان عامل دوبليرة لخاشقجي ، دخل الحمام
بدل هدوم المرحومو عملوا Checkout سوا و لغوا الحجز في نفس الوقت
وركبوا نفس الطيارات اللي وصلوا بيها في نفس الوقت وسافروا كلهم فورا !!!!
٦- في بداية زيارتهم راحوا إشتروا منشار كبير واثبِّتِتْ عليهم عملية الشراء صوت و صورة.
٧- من ضمن الكلام المتداول إنِّ أحد ال١٥-ضابط دول طبيب برتبة عقيد
تخصصه طب شرعي في الجيش السعودي متخصص تشريح (تنظام تمويه بقى)
٨- بعد إنكشاف الأمر وضغط الإعلام وافق القنصل السعودي في إسطنبول علي
دخول ممثل أمني تركي للقنصلية ومعه صحفي وقال لهم كان عندنا ومشي (كانفي
منه وخلص) وبعدين قام فتح له الدولاب ودرج المكتب يدور فيه! يلا يا إبن العبيطة.
٩- القنصل هرب فجأة قبل ما يفتشوا بيتو ولما وصل السعودية تم فصله عن العمل
وإحالته للتحقيق، وأي تحقيقٍ! بالله تعالو اسمعوه دا وسيبوه دا. طب موش كان يعمل
زي الأعمى اللي قاللو هنطبظ لك عينك، قال يلا أصلها بايظة. يعني أوفر مشوار
و أسلم نفسي للأتراك كشاهد ملك أكسب سلامة جدلي و أضمن محاكمة عادلة.
١٠- يطلعك الدخيل بتاع قناة العربية يقول أن السعودية لو تمت إدانتها هتدي االعالم
كله علقة ساخنة ما خدهاش كلب ف مولد: هتلعب في سعر النفط و هتصاحب حزب الله
و تعقدزواج متعه م إيران . سخي قول للود دا داخل فين ! لا يا ولا..صايع ياض أنت.
١١- يطلع إني الطائرين الخاصتين اللي وصل على متنهم ال١٥ (رائد فضاء)
مشتبه فيهم متأجرين بإسم عقيد مخابرات مقرب من ولي العهد ومرافق له في
كل رحلاته العالمية : يا نهار إسود و منيل بستين نيلة.
١٢- إنهارده و بالصدفة البحته واحد من ال١٥ مشتبه فيهم يلقي حتف
أنفه في حادث تصادم سيارة في السعودية : و أدينا هو داخلين عا آخر
حلقة من مسلسل دكتور جيكل أند مستر هايد. من تأيلف أجاسا كرستي.
طيب تعالي بأه نرص الكلام ده جنب بعضو كده، هتلاقي
أن لكل داء دواء إلا الغباء فعلن و لازمن يعيي من يداويه .
هو في إيه يا بقر ؟؟؟؟ هو في كده في الدنيا ؟؟؟ يعني ده لو عصابة
بقلظ بترتب علي القهوة لخطف شنطة الحاجة أم فتحي من حارة برقوقة
هتخطط بحرفية عن كده، إيه الكلام ده ؟ هو مفيش أمن دولة يرتب لك ؟
مفيش مخابرات تستعين بيها ؟ هو أنت رايح تتخانق مع الواد سفروت
القهوجي علي فرق الحساب وواخذ معاك ولاد خالتك، و لا أيه؟
مفيش كده في الدنيا والله ما تخافش من الهبلة، خاف من خلفتها.
|
|
 
|
|
|
|
|
| العنوان |
الكاتب |
Date |
| Very Slow { May Be} But Sure | دفع الله ود الأصيل | 10-23-18, 07:38 PM |
| Re: Very Slow { May Be} But Sure | دفع الله ود الأصيل | 10-23-18, 07:50 PM |
| Re: Very Slow { May Be} But Sure | دفع الله ود الأصيل | 10-23-18, 08:04 PM |
| Re: Very Slow { May Be} But Sure | دفع الله ود الأصيل | 10-23-18, 08:18 PM |
| Re: Very Slow { May Be} But Sure | دفع الله ود الأصيل | 10-23-18, 08:35 PM |
| Re: Very Slow { May Be} But Sure | دفع الله ود الأصيل | 10-23-18, 09:05 PM |
| Re: Very Slow { May Be} But Sure | دفع الله ود الأصيل | 10-23-18, 09:33 PM |
| Re: Very Slow { May Be} But Sure | دفع الله ود الأصيل | 10-24-18, 11:46 AM |
| π العتيبي يتكلم ساگتا √ | دفع الله ود الأصيل | 10-25-18, 08:19 PM |
| Re: π العتيبي يتكلم ساگتا √ | دفع الله ود الأصيل | 10-26-18, 12:58 PM |
| Re: π العتيبي يتكلم ساگتا √ | دفع الله ود الأصيل | 10-26-18, 10:54 PM |
| Re: π صفعة القرن√ | دفع الله ود الأصيل | 10-30-18, 09:07 PM |
|
| |
دفع الله ود الأصيل
فيس بوك
تويتر
انستقرام
يوتيوب
بنتيريست