غايتو يا معتز موسى كان الكلام ده حصل منكـ يبقى منو العوض

Quote: وزير الصدمة واستغلال النفوذ.. جارة حسن حسين خليفة..دي اختي شغالة طبيبة طوارئ في مستشفى رويل كير..يوم الجمعة المساء الساعة 11جاء معتز موسى وزوجتوا جايبين ولدم عمروا تمنية سنوات وشهرين عندو تسمم غذائي ومعاهم عدد اتنين حرس ..كللل ديل جوة ف غرفة الانعاش لانو غرفة الاطفال كانت مليانة..قالت ليهم انا عاوزة تفضوا جزء من الغرفة دي عشان نعرف نشتغل..قال ليها الحرس نحن مع الوزير..قالت ليهم م مشكلة الحتة دي اصلا غرفة مقفولة..ممكن تقيفوا جم الباب..قال ليها اسكتي شوفي شغلك..شوفي شغلك..طلعت وجات عشان تستلم العيان اللي هو ولدم ذااتو..ولقت العدد زايد نفرين..قالت ليهم لو سمحتوا ممكن تخلوا لي مع العيان نفرين بس طيب..نهرها الحرس ورفع يدو قال ليها ممكن تخلي الكلام الفارغ دا وتصلحي التكييف دا..قالت ليو التكييف دا عندو ناسو..انا دكتورة..وهل ممكن انتو تشتغلوا شغل م شغلكم...طوالي الوزير معتز موسي اتدخل قال ليها لو م اسعفك المجال..م اسعفك المقال ي بت..لاحظوا وليس ي دكتورة..قالت ليو انت م سامع الحرس بتاعك هو البتكلم بطريقة ما كويسة..وقالت ليهم لو سمحتوا انا دايرة اشوف شغلي..تمت الشغل..واسعفت ليهم ولدم تحت ضغط نفسي هاائل وترويع في مكان عملي..حسب كلامها...وخلصت الاجراءات وحولتهم للغرفة فوق..بعد داك ناداني الحرس...ي دكتورة تعالي دقيقة..باشارة بعدد 2 اصبع من يدو...وهي خافت وم مشت قابلتوا.. الصباح عادي طلعوا فاتوا بيتم بعد ولدم طاب.. ناداها اخصائي الطوارئ طلب منها توضيح للحصل..ولانو الشكوى المقدمة من حرس الوزير كانت مكتوبة ضد طبيبة اخري م عرفت نفسها مشكو ضدها ولا شاهدة..جات البيت واصلت حياتها عادي..بعد تلاتة يوم اتصل بيها اخصائي الطوارئ وابلغها بانه قد تم انهاء خدمتها بالمستشفى...